SAID RUBEYA : CHADEMA ACHENI SIASA ZA MAJI TAKA

 Mwenyekiti wa chama cha mapinduzi (CCM) manispaa ya Iringa Said Rubbeya akizungumza na mwandishi wa blog hii juu ya tuhuma wanazokabiliwa nazo kutoka kwa wapinzani wao

Na Fredy Mgunda,Iringa

Mwenyekiti wa chama cha mapinduzi (CCM) manispaa ya Iringa Said Rubbeya amwewataka viongozi wa chama cha demokrasia na maendeleo (CHADEMA) kuacha siasa zisizo na tija kwa kutuma za kutaka kumdhuru mgombea wa chama chao.

 

Akizungumza na blog hii Rubbeya alisema kuwa chama cha mapinduzi kinafanya siasa safi na za kistaarabu kwa lengo la kupata ushindi wa kishindo katika uchaguzi huu mdogo wa kata ya Kitwiru.

“Sisi wastaarabu sana hatuwezi kumdhuru mgombea wao kwa ajili ya kupata kura jamani sisi hatupo hivyo sisi tunafanya kazi kwa mujibu wa katiba ya chama chetu hivyo nawataka waondoe hofu tu tuendelee kufanya kampendi ili kila mtu ashinde kwa kupata kura halali” alisema Rubbeya

Rubbeya aliwataka viongozi wa chama cha demokrasia na maendeleo (CHADEMA) kuacha tabia za ujanja ujanja ili wapate kura za huruma kutoka kwa wananchi  waache  kutumia njia hivyo ambayo sio salama kwa maisha ya wananchi wa kata ya Kitwiru na taifa kwa ujumla.

“Unajua ukizoea kushinda kwa ujanja ujanja basi kila kitu utakifanya kwa ujanja ujanja hivyo wananchi wa kata ya Kitwiru washalijua hilo kwasasa wanatakiwa kubadilisha njia ya kutafuta kura kwa wananchi  na jambo hili najua jeshi la polisi linalifanyia kazi kwa kuwa ndio kazi yao” alisema Rubbeya

“Aidha Rubbeya alisema kuwa chama cha mapinduzi kitamdhuru mtu au chama kingine kwa kushinda kwa kishindo kwa kutumia kura za wananchi ambao bado wanaimani na chama hicho sio vingine kwa kuwa ukimdhuru wananchi kesho utakosa nguvu kazi ya kuleta maendeleo ya kata ya Kitwiru” alisema Rubbeya

Rubbeya aliwataka wapinzani wafanye kampeni za amani na upendo ili kila mmoja atafute kura kwa hoja zenye mashiko kwa wananchi wa kata ya Kitwiru na hadimaye mshindi apatikane kihalali kwa lengo la kuwaletea maendeleo wananchi wa kata hiyo.

Lakini Rubbeya aliwaomba wananchi wa kata ya Kitwiru kuzisikiliza sera za chama cha mapinduzi kwa kuwa wanahoja za mashiko kuliko wapinzani wengi hivyo wananchi wa wanapaswa kukipigia kura chama hicho na kukikisha mgombea wao anashinda kwa kishindo.

Kwa upande wake msemaji mkuu wa kampeni za uchaguzi kata ya Kitwiru Dady Igogo alisema kuwa chama cha demokrasia na maendeleo kinafanya kampeni za kisayansi hivyo hawawezi kwendana na chama chochote na watashinda katika uchaguzi wa kata ya Kitwiru

“Mgombea wetu amekuwa akifuatwa na watu wasiojulikana kutokana na kupendwa na wananchi wa kata ya kitwiru sijui CCM wanahangaika nini juu ya mgombea wetu maana ukiangalia kiuhalisia utagundua kuwa mpinzani wetu kaishiwa sera katika uchaguzi huu mdogo” alisema Igogo

Igogo alisema kuwa kwa sasa wamemuongezea ulinzi mgombea wao kwa lengo la kulinda asifanyiwe vitu vibaya kutoka kwa wapinzani wetu ambao wamekuwa wakihaha kuhakikisha wanamzohofisha kisiasa 

“Sisi tumetoa taarifa kama mbunge Lissu alivyotoa taarifa lakini akafanyiwa kitu kibaya kama ambavyo umma wa watanzania ulivyoona hivyo hata sisi tumetoa taarifa kwa jeshi la polisi juu ya mambo anayotaka kufanyiwa mgombea wetu” Igogo

Lakini Igogo aliwataka wapiga kura wa kata ya Kitwiru kuhakikisha wanampigia kura za kutosha mgombe wa chama cha demokrasia na maendeleo CHADEMA