VIWANDA MKOANI PWANI VYATAKIWA KUBORESHA MAZINGIRA YA KAZI

Naibu Waziri wa Nchi, Ofisi ya Waziri Mkuu-Kazi, Ajira na Mahusiano, Mhe. Rahma Kisuo, akizungumza na menejimenti ya Kiwanda cha Keds Tanzania Co. Ltd kinachozalisha bidhaa mbalimbali za usafi katika ziara ya kikazi Mkoani Pwani.

Naibu Waziri wa Nchi, Ofisi ya Waziri Mkuu-Kazi, Ajira na Mahusiano, Mhe. Rahma Kisuo, akitembelea maeneo mbalimbali katika Kiwanda cha Aluminium Trailers Ltd wakati wa ziara yake ya kikazi aliyofanya Wilayani Kibaha Mkoani Pwani Machi 2-3, 2026. Alioambatana nao ni Mtendaji Mkuu wa OSHA, Bi. Khadija Mwenda, Mkurugenziwa Mfuko wa Fidia kwa Wafanyakazi (WCF), Dkt. John Mduma na Watendaji wenginekatika Ofisi ya Waziri Mkuu.

Mtendaji Mkuu wa OSHA, Bi. Khadija Mwenda na Watendaji wengine katika Ofisi yaWaziri Mkuu (Kazi, Ajira na Mahusiano) wakifuatilia maelekezo ya Naibu Waziri waNchi, Ofisi ya Waziri Mkuu-Kazi, Ajira na Mahusiano, Mhe. Rahma Kisuo (hayupopichani), wakati wa ziara yake ya kikazi aliyofanya katika Wilaya Kibaha Mkoani Pwani Machi 2-3, 2026.

Naibu Waziri wa Nchi, Ofisi ya Waziri Mkuu-Kazi, Ajira na Mahusiano, Mhe. Rahma Kisuo, akiangalia bidhaa zinazozalishwa na Kiwanda cha Aluminium Trailers Ltd wakatiwa ziara yake ya kikazi aliyofanya katika Wilaya ya Kibaha Mkoani Pwani Machi 2-3, 2026.

 NaFredy Mgunda,Pwani

Naibu Waziri wa Nchi, Ofisi ya Waziri Mkuu (Kazi, Ajira na Mahusiano), Rahma Kisuo, ameziagiza menejimenti za viwanda Mkoani Pwani kuboresha mazingira ya kazi namaslahi ya wafanyakazi ili kuwa na uzalishaji endelevu na wenye tija.

Ametoa agizo hilo katika ziara yake ya kufuatilia utekelezaji wa sheria mbalimbali za kazi ikiwemo Sheria ya Usalama na Afya Mahali pa Kazi ya mwaka 2003 katikamaeneo mbalimbali ya kazi Wilayani Kibaha, Mkoani Pwani.

Akizungumza kwa nyakati tofauti katika viwanda vilivyotembelewa, Naibu Waziri Kisuoamesema pamoja na viwanda hivyo kufanya kazi nzuri ya uzalishaji na kutekelezasheria za kazi, ziara yake imabaini dosari ndogo ndogo zinazopaswa kurekebishwa nawahusika.

“Tumetembelea baadhi ya maeneo katika viwanda hivi na kujionea hali ilivyo. Kimsingiwanafanya vizuri japokuwa kuna kasoro chache tulizozibaini ikiwemo baadhi yawafanyakazi kutokuwa na mikataba ya ajira pamoja na kutokidhi baadhi ya viwango vyausalama na afya mahali pa kazi,” amesema Naibu Waziri Kisuo.

Amewaagiza watendaji kutoka Ofisi yake na Mamlaka nyingine za udhibiti, kutengamuda maalum wa kufanya ukaguzi wa kina katika viwanda hivyo ili kutoa ushauri stahikiwa maboresho yanayohitajika kwa wawekezaji.

Aidha, amewapongeza wamiliki wa viwanda husika kwa uzalishaji wenye mchangomkubwa katika uchumi wa nchi kupitia kodi inayolipwa serikalini pamoja na kuzalishaajira nyingi kwa Watanzania.

Mtendaji Mkuu wa Wakala wa Usalama na Afya Mahali pa Kazi (OSHA), Bi. Khadija Mwenda, ambaye aliambatana na Naibu Waziri katika ziara hiyo, ameeleza baadhi yamapungufu yaliyobainika katika mifumo ya usalama na afya ya viwandavilivyotembelewa ikiwa ni pamoja na mazingira ya kazi yenye joto kali, vumbi la makaaya mawe kutapakaa katika mazingira, upungufu wa vifaa kinga na ukosefu wa alama za usalama.

Amemhakikishia Naibu Waziri kuwa watalaam wake watashirikiana na mamlakanyingine kufanya ukaguzi wa kina ambao utawezesha wawekezaji kupata ushauriunaohitajika ili kuboresha mazingira yao ya uzalishaji.

Kwa upande wao, viongozi wa viwanda vilivyotembelewa akiwemo Bw. Jacob Lerise, Msimamizi wa Rasilimali Watu na Utawala katika Kiwanda cha uundaji magari cha GF Vehicle Assemblies Ltd, wamemshukuru Naibu Waziri na watendaji wake na kuahidikutekeleza maagizo mbalimbali yaliyotolewa katika ziara hiyo.

Ziara hiyo ya siku mbili Wilayani Kibaha Mkoani Pwani imefanyika katika kiwanda cha bidhaa za usafi cha Keds Tanzania Co. Ltd, Aluminium Trailers Ltd ambao ni waundajiwa trela za malori, kiwanda cha kuunda magari cha GF Vehicle Assemblies Ltd pamojakiwanda cha sabuni na vipodozi cha Creative Intertraders Ltd.

Read more »

KAMPENI YA MAFUNZO KWA WAJASIRIMALI WADOGO YAZINDULIWA KUELEKEA MAADHIMISHO YA WIKI YA USALAMA NA AFYA KAZINI 2026

 Waziri wa Nchi, Ofisi ya Waziri Mkuu (Kazi, Ajira na Mahusiano), Deus Sangu, akiwasilisha hotuba yake ya kufunga mafunzo ya usalama na afya mahali pa kazi kwa wanachama wa kikundi cha Wanawake Wachimbaji Bukombe (WAWABU).Waziri wa Nchi, Ofisi ya Waziri Mkuu (Kazi, Ajira na Mahusiano), Deus Sangu, akiwasilisha hotuba yake ya kufunga mafunzo ya usalama na afya mahali pa kazi kwa wanachama wa kikundi cha Wanawake Wachimbaji Bukombe (WAWABU).Mtendaji Mkuu wa OSHA, Bi.Khadija Mwenda, akitoa maelezo ya awali kuhusu mafunzo ya usalama na afya mahali pa kazi yaliyotolewa na Taasisi yake kwa wanachama wa kikundi cha Wanawake Wachimbaji Bukombe (WAWABU) katika haflaya kufunga mafunzo hayo.Wanachama wa kikundi cha Wanawake Wachimbaji Bukombe (WAWABU), wakifuatilia nasaha na hotuba za viongozi mbalimbali katika hafla ya kufunga mafunzo ya usalamana afya mahali pa kazi yaliyotolewa kwao na OSHA ambapo Waziri wa Nchi, Ofisi yaWaziri Mkuu (Kazi, Ajira na Mahusiano), Mhe. Deus Sangu alikuwa Mgeni Rasmi.

Na Fredy Mgunda,Geita

 

Waziri wa Nchi, Ofisi ya Waziri Mkuu (Kazi, Ajira na Mahusiano), Deus Sangu,amezindua kampeni ya mafunzo kwa wajasiriamali wadogo ambayo ni sehemu ya programu za uhamasishaji masuala ya usalama na afya kazini kuelekea maadhimisho ya siku ya Kimataifa ya Usalama na Afya Mahali pa Kazi Aprili 28, 2026.

 

Kampeni hiyo imeanza kwa kutoa mafunzo kwa wanachama wa umoja wa Wanawake Wachimbaji Bukombe (WAWABU) wanaofanya shughuli za uchimbaji madini katika Wilaya ya Bukombe Mkoani Geita ambayo yametolewa mwishoni mwa wiki (Februari 21, 2026).

 

Akifunga mafunzo hayo ya siku moja kwa wanawake zaidi ya 350, Waziri Sangu, mbali na kuwapongeza wakazi wa Bukombe kwa kuwa wachapakazi, amesisitiza juu ya umuhimu wa kuzingatia masuala ya usalama na afya katika shughuli za uchimbaji madini hususan kwa wachimbaji wadogo ambao mazingira yao ya kazi yana vihatarishi vingi na teknolojia yao ni duni.

 

“Tunafanya mafunzo haya kwa kutambua umuhimu wake kwa wachimbaji wadogo. Tumekuwa tukipata taarifa za matukio mengi ya ajali hususan kwa wachimbaji wadogo kufukiwa na vifusi wakiwa wanatekeleza majukumu yao. Hii ni kutokana na kuwa uchimbaji wenu mara nyingi hautumii teknolojia za kisasa ambazo ni ghali na upatikanaji wake ni mgumu,” amesema Waziri mwenye Dhamana ya Masuala ya Kazi na kuongeza:

 

“Nimefurahi sana kuonana na kundi la wachimbaji wanawake zaidi ya 350 kwani mara nyingi tumezoea kuona shughuli hizi zinafanywa na wanaume tu. Hivyo, ninawapongeza sana nasisi tutaendelea kuunga mkono jitahida zenu kwa kuwawezesha kufanya kazi kwa tija na katika hali ya usalama.”

 

Amemuagiza Mtendaji Mkuu Wakala wa Usalama na Afya Mahali pa Kazi (OSHA), Bi. Khadija Mwenda, kuhakikisha mpango huo wa mafunzo unakuwa endelevu na kuyafikia makundi mengi zaidi ya wachimbaji wadogo na wajasiriamali katika sekta nyingine za kiuchumi.

 

Aidha, Waziri Sangu, ametoa rai kwa wachimbaji wadogo kuzingatia masuala mbalimbali waliyofundishwa katika mafunzo hayo ikiwa ni pamoja na matumizi endelevu ya vifaa kinga ambavyo baadhi vimetolewa na OSHA kupitia programu hiyo.

 

Akizungumza nje ya ukumbi wa mafunzo, Mtendaji Mkuu wa OSHA, Bi.Khadija Mwenda, amesema lengo la programu ya mafunzo kwa makundi mbalimbali ya wajasiriamali wadogo ni kuwatambua na kuwajengea uelewa wa masuala ya usalama na afya ili kuongeza kiwango cha uzingatiaji (compliance level) wa kanuni bora za usalama na afya nchini.

 

Aidha, ameahidi kuhakikisha kwamba mpango huo wa mafunzo unakuwa endelevu kwa mujibu wa maelekezo ya serikali yaliyotolewa na Waziri mwenye Dhamana ya Masuala ya Kazi nchini.

 

Kwa upande wao washiriki wa mafunzo hayo akiwemo Mwenyekiti wa WAWABU, Bi. Regina Kabogo, wameishukuru serikali kwa uwezeshaji waliopata wa mafunzo na vifaa kinga huku wakiiomba serikali kuwafanyia upembuzi yakinifu wa hali ya upatikanaji wa dhahabu katika vitalu 13 vinavyomilikiwa na umoja huo.

 

“OSHA wametufundisha vitu vingi sana kuhusiana na usalama na afya katika shughuli zetu za uchimbaji madini na wametupatia baadhi ya vifaa kinga vya muhimu jambo ambalo litatuhamasisha kufanya kazi kwa bidii ili kujiongezea kipato binafsi pamoja na mapato ya serikali,” ameeleza Bi. Regina Kabogo.

 

Mafunzo yalitolewa na OSHA kwa wanachama wa WAWABU yamehusisha mada mbalimbali zikiwemo dhana ya usalama na afya mahali pa kazi, vihatarishi vya usalama na afya katika sekta ya madini, sheria ya usalama na afya mahali pa kazi pamoja na misingi ya huduma ya kwanza mahali pa kazi kwa nadharia na vitendo.

Read more »

MIGODI MIKUBWA NCHINI IMETAKIWA KUWEZESHA WACHIMBAJI WADOGO

Waziri wa Nchi, Ofisi ya Waziri Mkuu (Kazi, Ajira na Mahusiano), Deus Sangu, akiwasilisha hotuba yake mbele ya wajumbe wa Kamati ya Ulinzi na Usalama na Mkoa wa Geita, Menejimenti ya Mgodi wa Geita na watendaji wa Ofisi yake katika ziara ya kufuatilia utekelezaji wa Sheria ya Usalama na Afya Mahali pa Kazi na Sheria nyingine za kazi katika Mgodi wa Dhahabu wa Geita (GGML).

Waziri wa Nchi, Ofisi ya Waziri Mkuu (Kazi, Ajira na Mahusiano), Deus Sangu, akiwasilisha hotuba yake mbele ya wajumbe wa Kamati ya Ulinzi na Usalama na Mkoa wa Geita, Menejimenti ya Mgodi wa Geita na watendaji wa Ofisi yake katika ziara ya kufuatilia utekelezaji wa Sheria ya Usalama na Afya Mahali pa Kazi na Sheria nyingine za kazi katika Mgodi wa Dhahabu wa Geita (GGML).

Wajumbe wa Kamati ya Ulinzi na Usalama ya Mkoa wa Geita, Menejimenti ya Mgodi wa Geita na watendaji wa Ofisi ya Waziri Mkuu (Kazi, Ajira na Mahusiano) wakifuatilia hotuba ya Waziri wa Nchi, Ofisi ya Waziri Mkuu (Kazi, Ajira na Mahusiano), Deus Sangu katika ziara ya kufuatilia utekelezaji wa Sheria ya Usalama na Afya Mahali pa Kazi na Sheria nyingine za kazi katika Mgodi wa Dhahabu wa Geita (GGML).

Waziri wa Nchi, Ofisi ya Waziri Mkuu (Kazi, Ajira na Mahusiano), Deus Sangu, akiagana na Mkurugenzi Mtendaji wa Mgodi wa Dhahabu wa Geita (GGML), Bw. Ashraf Suryaningrat, mara baada ya kuhitimisha ziara ya kufuatilia utekelezaji wa Sheria ya Usalama na Afya Mahali pa Kazi na Sheria nyingine za kazi katika Mgodi huo.

Na Fredy Mgunda,Geita

Wito umetolewa kwa makampuni makubwa ya uchimbaji madini nchini kuwekeza katikakuwawezesha wachimbaji wadogo katika nyanja mbalimbali ikiwemo teknolojia za kisasa na usimikaji wa mifumo ya usalama na afya mahali pa kazi ili kujenga uchumijumuishi unaotokana na sekta ya madini.

Wito huo umetolewa na serikali kupitia Waziri wa Nchi, Ofisi ya Waziri Mkuu (Kazi, Ajira na Mahusiano), Deus Sangu, alipofanya ziara ya kufuatilia utekelezaji wa Sheria yaUsalama na Afya Mahali pa Kazi na Sheria nyingine za kazi katika Mgodi wa Dhahabuwa Geita (GGML).

Waziri Sangu ameipongeza menejimenti ya Mgodi huo kwa kuzalisha ajira nyingi kwaWatanzania ambapo GGML imeajiri jumla ya wafanyakazi 2,366 moja kwa moja na4,629 wameajiriwa kupitia wakandarasi mbalimbali wanatoa huduma katika Mgodi waGGML.

Sambamba na pongezi hizo, Waziri mwenye dhamana ya masuala ya kazi ameutakaMgodi huo kuhakikisha kwamba shughuli zake zinakuwa na athari chanya katikauchumi wa jamii zinazowazunguka kwa kutoa fursa za kazi za muda mfupi ikiwemokuwezesha miradi mbalimbali ya kijamii.

Aidha, Waziri Sangu ameipongeza GGML kwa kuchagua suala la usalama na afya kwawafanyakazi kuwa tunu yao ya kwanza katika shughuli zao za uchimbaji na uchakatajiwa madini jambo ambalo limewafanya kujenga mifumo madhubuti ya kulinda afya nausalama wa wafanyakazi inayozingatia matumizi ya teknolojia za kisasa.

“Ninawapongeza kwa kuweka usalama na afya kama tunu yenu ya kwanza na hiiimejidhirisha katika wasilisho lenu mlilofanya hapa ambapo masuala ya usalama naafya yamechukua nafasi ya juu zaidi ya biashara mnayofanya,” ameeleza Waziri Sangu na kuongeza:

“Pongezi hizi inastahili pia Taasisi ya OSHA ambayo imekuwa ikiwaongoza katikakutekeleza hayo kupitia usimamizi mzuri wa Sheria Na.5 ya Usalama na Afya Mahali pa Kazi ya mwaka 2003 na miongozo mbalimbali chini ya sheria hiyo ambayowamekuwa wakiitoa kupitia kaguzi zao za mara kwa mara.”

Akizungumza kwa niaba ya Mkuu wa Mkoa katika ziara hiyo, Mkuu wa Wilaya ya Geita,Hashim Abdallah Komba, amesema OSHA ni miongoni mwa Taasisi zenye msaadamkubwa katika kuwezesha shughuli mbalimbali za kiuchumi kufanyika kwa tija katikaMkoa wa Geita.

Kwa upande wake Mtendaji Mkuu wa OSHA, Bi. Khadija Mwenda, amesema ziara hiyo, inalenga kuona jinsi OSHA inavyoshirikiana na wadau wake kutekeleza Sheria yaUsalama na Afya mahali pa kazi ambayo dhima yake kuu ni kulinda nguvukazi ya Taifa dhidi ya ajali na magonjwa yatokanayo na kazi pamoja na kulinda uwekezaji kupitiakuzuia uharibifu wa mali.

Awali, menejimenti ya GGML iliwasilisha taarifa juu ya shughuli zao iliyoainisha jinsiafya na usalama wa wafanyakazi unavyozingatiwa katika shughuli husika. Miongonimwa masuala yaliyoelezwa katika taarifa hiyo ni pamoja na historia ya mgodi ambapoimeelezwa kuwa madini katika mgodi huo yaligunduliwa mnamo mwaka 1898 nauchimbaji rasmi kuanza mwaka 1999.

Read more »

OSHA YAJA NA MPANGO WA KUWEZESHA BIASHARA NA UWEKEZAJI NCHINI

Mtendaji Mkuu wa OSHA, Bi. Khadija Mwenda, akizungumza na washiriki wa kikao kazi baina ya OSHA na Maafisa Biashara wa Mikoa na Wilaya za Kanda ya Kaskazini

Meneja wa Usalama Mahali pa Kazi wa OSHA, Mhandisi Robert Mashinji, akiwasilisha mada kuhusu usajili wa maeneo ya kazi na utekelezaji wa majukumu ya OSHA kwa ujumla katika kikao kazi baina ya OSHA na Maafisa Biashara wa Mikoa na Wilaya za Kanda ya Kaskazini.

Meneja wa Kitengo cha Sheria OSHA, Bi. Pendo Berege, akiwasilisha mada kuhusu Sheria Na. 5 ya Usalama na Afya Mahali pa Kazi ya mwaka 2003 katika kikao kazi baina ya OSHA na Maafisa Biashara wa Mikoa na Wilaya za Kanda ya Kaskazini.

Washiriki wa kikao kazi baina ya OSHA na Maafisa Biashara wa Mikoa na Wilaya za Kanda ya Kaskazini wakifuatilia mawasilisho toka kwa wataalam wa OSHA kuhusu Sheria na Usalama na Afya Mahali pa Kazi pamoja na utekelezaji wa majukumu ya OSHA kwa ujumla.

Na Fredy Mgunda.

Wakala wa Usalama na Afya Mahali pa Kazi (OSHA) umezindua mpango wake wa kushirikiana na Maafisa Biashara wa Mikoa na Wilaya katika kuwezesha biashara na uwekezaji nchini.

Mpango huo unahusisha utaratibu wa kuunganisha mifumo na kubadilishana taarifa za biashara na miradi mbalimbali ya uwekezaji ili kurahisisha ufikishaji wa huduma za urasimishaji biashara na ukaguzi wa mifumo ya usalama na afya mahali pa kazi.

Mpango huo wa OSHA umewekwa wazi na Mtendaji Mkuu wa Taasisi hiyo, Khadija Mwenda, alipohitimisha semina ya kujenga uelewa wa pamoja baina ya OSHA na Maafisa Biashara wa Mikoa na Wilaya zote za Kanda ya Kaskazini ambao umefanyika kwa siku moja katika Ofisi za OSHA zilizopo Jengo la PAPU Jijini Arusha.

Bi.Mwenda amesema mpango huo umeibuliwa ikiwa ni utekelezaji wa maagizo ya Rais, Dkt. Samia Suluhu Hassan, ambaye amekuwa akielekeza Taasisi za serikali kushirikiana katika utendaji ikiwemo kuhakikisha kwamba mifumo mbalimbali ya serikali inasomana.

Aidha, ameeleza kuwa mpango huo unalenga kutekeleza agizo la Waziri wa Nchi, Ofisi ya Waziri Mkuu (Kazi, Ajira na Mahusiano), Deus Sangu, alilolitoa Desemba 22, 2025 ambapo aliwataka waajiri/wamiliki wa maeneo ya kazi kote nchini kuhakikisha maeneo yao ya kazi yanasajiliwa OSHA ndani ya siku 90 kuanzia mwezi Januari 2026 ili kurahisisha usimamizi wa masuala ya usalama na afya katika maeneo husika.

“Lengo kuu la mpango huu ni kuhakikisha kuwa Taasisi ya OSHA inafanya kazi kwa kushirikiana na wenzetu ambao ni Maafisa Biashara wa Mikoa na Wilaya wote tukiwa kama Taasisi wezeshi katika biashara na uwekezaji,” ameeleza Mtendaji Mkuu wa OSHA na kuongeza:

“Tumekuwa na kikao kizuri sana ambacho kimetufungulia zoezi letu ambalo tumepanga kulifanya nchi nzima. Mpango huu utakapokamilika sote tutakuwa na uelewa wa pamoja ambao utapelekea taasisi zetu kuwa wawezeshaji zaidi badala ya kuwa wadhibiti wa shughuli za biashara na uwekezaji nchini.”

Kwa upande wao washiriki wa semina hiyo ambao ni Maafisa Biashara wa Mikoa na Wilaya zote za Kanda ya Kaskazini ikihusisha mikoa ya Arusha, Manyara, Kilimanjaro na Tanga, wamepongeza mpango huo na kuahidi kushirikiana na OSHA kufanikisha mpango huo.

“Tumefurahia sana mafunzo ya leo,hakika tumetoka na ufahamu mpana kuhusiana na kazi za OSHA na tumeona kuna umuhimu mkubwa sana kwa wafanyabiashara na wawekezaji kujisajili katika mfumo rasmi ili waweze kuweka salama sehemu zao za kazi,” ameeleza Bw. Elisha Erasto, Mkuu wa Idara ya Biashara wa Halmashauri ya Wilaya ya Rombo.

“Tunaishukuru sana OSHA kwa semina ya leo na kwaniaba ya washiriki wenzangu ninapenda kusema kwamba tutashirikiana na OSHA ili kufanikisha mpango huu unaolenga kuboresha mazingira ya biashara na uwekezaji nchini na hivyo kufanikisha malengo ya Dira ya Taifa 2050,” amesema Bi. Lulu Kaaya, Afisa Biashara Mkoa wa Arusha.

OSHA ni Taasisi chini ya Ofisi ya Waziri Mkuu (Kazi, Ajira na Mahusiano) yenye jukumu la kusimamia utekelezaji wa Sheria ya Usalama na Afya Mahali pa Kazi ya mwaka 2003 inayoweka utaratibu wa kitaifa wa usimamizi wa masuala ya usalama na afya katika maeneo ya kazi.

 

Read more »

WANAFUNZI VYUO VIKUU WAMETAKIWA KUJIEPUSHA NA NDOA ZA REJAREJA, DKT MSOWOYA

Mjumbe wa Kamati ya Siasa ya CCM Mkoa wa Iringa, Dkt Tumaini Msowoya akiongea na wanafunzi wa chuo kikuu cha Iringa wakati wa kuwakaribisha wanafunzi wa mwaka wa kwanza wa masomo katika chuo hicho.

Baadhi ya wanafunzi wa chuo kikuu cha Iringa wakimaliza Mjumbe wa Kamati ya Siasa ya CCM Mkoa wa Iringa, Dkt Tumaini Msowoya wakati akitoa hotuba yake 

Mjumbe wa Kamati ya Siasa ya CCM Mkoa wa Iringa, Dkt Tumaini Msowoya akikabidhi kiasi cha shilingi milioni mbili kwa uongozi wa chuo kikuu cha Iringa zilizotolewa na Dikson Mwipopo, Mjumbe wa Kamati ya Siasa ya CCM Mkoa wa Iringa, kwa ajili ya kuwaunga mkono wanafunzi hao. 

Na Fredy Mgunda, Iringa.

Wanafunzi wa vyuo vikuu wametakiwa kujiepusha na ndoa za rejareja,makundi ya hovyo yenye viashiria vya kuharibu masomo na maisha kwa wanafunzi wenye ndoto ya kuja kulitumikia taifa la Tanzania na nje ya Tanzania.

Akizungumza wakati kuwakaribisha wanafunzi wa mwaka wa kwanza chuo kikuu cha Iringa,Mjumbe wa Kamati ya Siasa ya CCM Mkoa wa Iringa, Dkt Tumaini Msowoya alisema kuwa wanafunzi wanapaswa kuepukana na ndoa za rejareja, makundi ya hovyo na kuwa wazalendo kwa ajili ya maisha yao.

Dkt Msowoya amesema baadhi ya wanafunzi hujikuta wakitumbukia kwenye ndoa za rejareja na kusahau lengo la masomo kutokana na tamaa za kifedha na kuishi maisha mazuri chuo jambo ambalo limekuwa likipoteza dira ya masomo kwa wanafunzi wengi.

"Najua mna miaka zaidi ya 18 hivyo sio watoto Kwa mujibu wa kawaida lakini je, ndoa ndiyo imekuleta chuoni? Wazazi wako wanajua umeoa au kuolewa huku?" amesema na kuongeza, Dkt Msowoya

"Niliwahi kufanya utafiti kuhusu maisha ya wanafunzi wa vyuo vikuu nikagundua wengi wanaishi na wenza ilhali familia zao hazijui. Hii ni hatari,"

Dkt. Msowoya aliwahimiza wanafunzi kuipenda nchi yao, kusoma kwa bidii na kuepuka makundi yenye viashiria hasi katika masomo na maisha kwa ujumla.

Katika hafla hiyo, alitoa mchango wa shilingi milioni mbili (2,000,000) zilizotolewa na Dikson Mwipopo, Mjumbe wa Kamati ya Siasa ya CCM Mkoa wa Iringa, kwa ajili ya kuwaunga mkono wanafunzi hao. 

Read more »

USHIRIKI WA WANANCHI WAIMARISHA UPANDAJI MITI SAO HILL

 

Wananchi wanaozunguka Shamba la Miti Sao Hill wameendelea kunufaika kielimu na kiuchumi kupitia ushiriki wao katika shughuli za uchukuaji miche ya miti zinazofanyika katika bustani za miche zilizopo Tarafa ya Kwanza Irundi na Tarafa ya Tatu Ihalimba.

Wananchi wanaozunguka Shamba la Miti Sao Hill wameendelea kunufaika kielimu na kiuchumi kupitia ushiriki wao katika shughuli za uchukuaji miche ya miti zinazofanyika katika bustani za miche zilizopo Tarafa ya Kwanza Irundi na Tarafa ya Tatu Ihalimba.

Wananchi wanaozunguka Shamba la Miti Sao Hill wameendelea kunufaika kielimu na kiuchumi kupitia ushiriki wao katika shughuli za uchukuaji miche ya miti zinazofanyika katika bustani za miche zilizopo Tarafa ya Kwanza Irundi na Tarafa ya Tatu Ihalimba.

Na Fredy Mgunda, Mufindi.

Wananchi wanaozunguka Shamba la Miti Sao Hill wameendelea kunufaika kielimu na kiuchumi kupitia ushiriki wao katika shughuli za uchukuaji miche ya miti zinazofanyika katika bustani za miche zilizopo Tarafa ya Kwanza Irundi na Tarafa ya Tatu Ihalimba.

Shughuli hizo ni sehemu ya mpango endelevu wa upandaji miti unaotekelezwa na Wakala wa Huduma za Misitu Tanzania (TFS) kwa lengo la kuendeleza misitu ya kupandwa, kuongeza uzalishaji wa rasilimali za misitu na kuimarisha uhifadhi wa mazingira.

Akizungumza wakati wa zoezi hilo, Msaidizi wa Mhifadhi Mkuu wa Shamba la Miti Sao Hill, PCO Said Singano, alisema uchukuaji wa miche unafanyika kwa kuzingatia taratibu na kanuni za kitaalamu ili kulinda ubora wa miche.

“Tunasisitiza miche ichukuliwe kwa uangalifu mkubwa ili isiharibu mizizi, kwa sababu ubora wa miche ndiyo msingi wa mafanikio ya upandaji miti mashambani,” alisema Singano.

Shughuli hizo pia zimeongeza uelewa wa wananchi kuhusu mchango wa Shamba la Miti Sao Hill katika uhifadhi wa mazingira, mapambano dhidi ya mabadiliko ya tabianchi na upatikanaji endelevu wa mazao ya misitu kwa manufaa ya Taifa.

Mmoja wa wananchi walioshiriki zoezi hilo, Bw. Joshua Ng'umbi kutoka Kijiji cha Igowole Wilaya ya Mufindi, alisema ushiriki wake umemsaidia kuongeza kipato na kupata ujuzi mpya katika shughuli za misitu.

“Mbali na kupata ajira, nimejifunza kuchagua miche bora na namna sahihi ya kupanda miti ili iweze kuota vizuri na kukua kwa ubora unaoweza kuleta kipato kizuri wakati wa uvunaji,” alisema Bw. Joshua.

Kwa ujumla, zoezi la uchukuaji miche katika Tarafa za Irundi na Ihalimba limeendelea kuleta manufaa makubwa kwa Shamba la Miti Sao Hill na wananchi kwa kuimarisha juhudi za upandaji miti, kutoa ajira na kukuza uelewa wa masuala ya misitu na uhifadhi wa mazingira.

Read more »

RUNALI YATATUA CHANGAMOTO YA MAJI KITUO CHA AFYA MARAMBO

Mkuu wa Wilaya ya Ruangwa Hassan Ngoma aliyemwakilisha Mkuu wa Wilaya ya Nachingwea katika hafla ya kukabidhi kisima cha maji kilichojengwa na RUNALI katika kituo cha afya Marambo kwa uongozi wa Halmashauri ya wilaya ya Nachingwea Mkuu wa Wilaya ya Ruangwa Hassan Ngoma aliyemwakilisha Mkuu wa Wilaya ya Nachingwea katika hafla ya kukabidhi kisima cha maji kilichojengwa na RUNALI katika kituo cha afya Marambo kwa uongozi wa Halmashauri ya wilaya ya Nachingwea Mkuu wa Wilaya ya Ruangwa Hassan Ngoma aliyemwakilisha Mkuu wa Wilaya ya Nachingwea akifungua maji wakati hafla ya kukabidhi kisima cha maji kilichojengwa na RUNALI katika kituo cha afya Marambo kwa uongozi wa Halmashauri ya wilaya ya Nachingwea 

Na Fredy Mgunda, Nachingwea 

Chama Kikuu cha Ushirika RUNALI kimetatua changamoto ya upatikanaji wa maji katika Kituo cha Afya Marambo, changamoto iliyodumu kwa miaka mingi na kusababisha baadhi ya huduma kushindwa kutolewa ipasavyo katika kituo hicho.

Akizungumza wakati wa uzinduzi wa kisima hicho cha maji, Mwenyekiti wa Chama Kikuu cha Ushirika RUNALI, Odas Mpunga, alisema kuwa lengo kuu la mradi huo ni kusogeza huduma muhimu kwa jamii inayohudumiwa na Kituo cha Afya Marambo.

Mpunga alisema chama hicho kilipokea maombi ya kusaidia kutatua changamoto ya maji katika kituo hicho cha afya, hali iliyopelekea RUNALI kuchukua jukumu hilo kwa dhamira ya kuisaidia jamii.

Aliongeza kuwa kisima hicho kimekamilika na kuanza kutoa huduma, hivyo ni jukumu la wananchi pamoja na viongozi wa eneo hilo kuhakikisha wanakitunza ili kiwe mradi endelevu wenye manufaa ya muda mrefu.

Kwa upande wake, Meneja wa RUNALI, Jahida Hassan, alisema kuwa utekelezaji wa mradi huo ni sehemu ya kutimiza msingi wa saba (7) wa vyama vya ushirika, unaohimiza vyama hivyo kurudisha mchango kwa jamii inayowazunguka.

Jahida aliongeza kuwa kisima hicho ni kirefu na kina maji ya kutosha, hivyo kinapaswa kutumika kwa malengo yaliyokusudiwa, hususan kuhudumia Kituo cha Afya Marambo.

Alisema kuwa RUNALI imetumia zaidi ya shilingi milioni 15 kuchimba kisima hicho hadi kukamilika kwake na kuanza kutoa huduma za maji katika kituo hicho cha afya.

Naye mgeni rasmi, Mkuu wa Wilaya ya Ruangwa, akimwakilisha Mkuu wa Wilaya ya Nachingwea, Hassan Ngoma, aliwataka wananchi na viongozi wa eneo hilo kuhakikisha wanauhudumia na kuutunza mradi huo ili uwe na manufaa ya kudumu kwa jamii na serikali kwa ujumla.

Ngoma alisema kuwa fedha nyingi zimewekezwa katika mradi huo wa kisima cha maji kwa lengo la kutatua kero ya maji kwa wagonjwa, wahudumu wa afya pamoja na wananchi wanaohudumiwa na kituo hicho, hivyo ni muhimu kulinda na kuutunza uwekezaji huo.

Aidha, aliwahimiza wananchi na wakulima ambao bado hawajajiunga na vyama vya ushirika kufanya hivyo kwa ajili ya maendeleo yao binafsi na maendeleo ya taifa kwa ujumla.

Read more »

SERIKALI YATOA SIKU 90 KWA WAMILIKI WA MAENEO YA KAZI KUJISAJILI OSHA

Waziri wa Nchi, Ofisi ya Waziri Mkuu-Kazi, Ajira na Mahusiano, Mhe. Deus Sangu, akizungumza na watumishi wa OSHA kwenye ziara ya kikazi katika Ofisi za OSHA Dar es Salaam.

Mtendaji Mkuu wa OSHA, Bi. Khadija Mwenda, akimkabidhi Naibu Waziri wa Nchi, Ofisi ya Waziri Mkuu-Kazi, Ajira na Mahusiano, Mhe. Rahma Kisuo, vifaa kinga (Personal Protective Equipment-PPEs) ambavyo atakuwa anavitumia anapotembelea maeneo yakazi kwa ajili ya ukaguzi wa mifumo ya usalama na afya

Mtendaji Mkuu wa OSHA, Bi. Khadija Mwenda, akimkabidhi Waziri wa Nchi, Ofisi yaWaziri Mkuu-Kazi, Ajira na Mahusiano, Mhe. Deus Sangu, vifaa kinga (Personal Protective Equipment-PPEs) ambavyo atakuwa anavitumia anapotembelea maeneo yakazi kwa ajili ya ukaguzi wa mifumo ya usalama na afya

Watumishi wa OSHA wakifuatilia hotuba ya Waziri wa Nchi, Ofisi ya Waziri Mkuu-Kazi, Ajira na Mahusiano, Mhe. Deus Sangu, wakati wa ziara ya kikazi katika Ofisi za OSHA Dar es Salaam.

Na Fredy Mgunda 

Serikali imewataka wamiliki wote wa maeneo ya kazi nchini ambao bado hawajayasajili maeneo yao na Wakala wa Usalama na Afya Mahali pa Kazi (OSHA) kuhakikisha wanasajili maeneo hayo ndani ya siku 90 kuanzia Januari 2026, hatua inayolenga kuimarisha usalama na afya kwa wafanyakazi nchini.

Agizo hilo limetolewa na Waziri wa Nchi, Ofisi ya Waziri Mkuu – Kazi, Ajira na Mahusiano, Deus Sangu, alipofanya ziara ya kikazi katika Ofisi za OSHA zilizopo Kinondoni, Jijini Dar es Salaam.

Ziara hiyo ni ya kwanza kwa Waziri Sangu tangu alipoteuliwa na Rais Dkt. Samia Suluhu Hassan kushika wadhifa huo, ikiwa na lengo la kujifunza kwa kina namna OSHA pamoja na taasisi nyingine zilizo chini ya wizara hiyo zinavyotekeleza majukumu yao ya kisheria.

Akizungumza na menejimenti na watumishi wa OSHA leo (Desemba 22, 2025), Waziri Sangu amesema taasisi hiyo ina jukumu kubwa la kulinda nguvu kazi ya Taifa dhidi ya ajali, magonjwa ya kazini pamoja na vifo vinavyosababishwa na mazingira hatarishi ya kazi.

Amesema ili OSHA iweze kutekeleza majukumu yake ipasavyo, ni lazima maeneo yote ya kazi yatambulike rasmi kupitia usajili, jambo litakaloiwezesha taasisi hiyo kufanya ukaguzi wa mara kwa mara na kutoa ushauri wa kitaalamu kwa waajiri.

“Uzingatiaji wa kanuni bora za usalama na afya mahali pa kazi hauwezekani iwapo maeneo ya kazi hayajasajiliwa. Serikali imeamua kutoa siku 90 kuanzia Januari 2026 ili wamiliki wote wa maeneo ya kazi wahakikishe wanakamilisha zoezi hili,” amesema Waziri Sangu.

Aidha, amewataka watumishi wa OSHA kufanya kazi kwa bidii, kujituma na kuzingatia weledi ili kuwawezesha waajiri kusimika mifumo madhubuti ya usalama na afya mahali pa kazi. Vilevile, amewahimiza waajiri kuzingatia ushauri unaotolewa na wataalamu wa OSHA kwa lengo la kuzuia ajali na magonjwa ya kazini.

Waziri Sangu ameeleza kuwa usajili wa maeneo ya kazi unatekelezwa kwa mujibu wa kifungu cha 16 na 17 cha Sheria ya Usalama na Afya Mahali pa Kazi ya mwaka 2003, inayoiwezesha OSHA kusajili maeneo ya kazi, kuyakagua na kutoa mapendekezo ya kitaalamu juu ya uboreshaji wa mazingira ya kazi.

Kwa upande wake, Mtendaji Mkuu wa OSHA, Bi. Khadija Mwenda, amesema taasisi hiyo imefarijika kumpokea Waziri na kupata maelekezo yake, huku akiahidi kuwa watumishi wa OSHA wataendelea kutekeleza majukumu yao kwa ufanisi na kwa kuzingatia miongozo ya serikali.

“Kwa niaba ya watumishi wenzangu, nakuhakikishia kuwa tutatekeleza maelekezo yote ya serikali kwa weledi na uadilifu mkubwa, ili kuhakikisha usalama na afya za wafanyakazi zinalindwa na taasisi yetu inaendelea kutimiza wajibu wake,” amesema Bi. Mwenda.

Katika ziara hiyo, Waziri Sangu aliambatana na Naibu Waziri, Rahma Kisuo, pamoja na Kamishna wa Kazi, Bi. Suzan Mkangwa, aliyemwakilisha Katibu Mkuu wa Wizara hiyo.

OSHA ni taasisi iliyo chini ya Ofisi ya Waziri Mkuu (Kazi, Ajira na Mahusiano), yenye jukumu la kutoa na kusimamia miongozo ya usalama na afya mahali pa kazi. Kupitia usajili, ukaguzi na ushauri wa kitaalamu, taasisi hiyo inalenga kuboresha mazingira ya kazi na kulinda maisha ya wafanyakazi nchini.

Read more »

OSHA YATAJWA KUWA NA NAFASI MUHIMU KATIKA KUWEZESHA SHUGHULI ZA UZALISHAJI – KATIBU MKUU

Mtendaji Mkuu wa OSHA, Bi. Khadija Mwenda, akitoa maelezo ya awali katika ufunguzi waKikao cha Tano cha Baraza la Tano la Wafanyakazi wa OSHA Kilichofanyika katika Ofisi za OSHA Jijini Dododma Desemba 20,2025.Wajumbe wa Baraza la OSHA wakiimba wimbo wa mshikamano (solidarity) wakati wa kikao cha Tano cha Baraza la Tano la wafanyakazi wa OSHA kilichofanyika katika Ofisi za OSHA Jijini Dodoma Desemba, 20, 2025

Wajumbe wa Baraza la OSHA wakifuatilia majadiliano mbalimbali yaliowasilishwa katika kikaocha Tano cha Baraza la Tano la wafanyakazi wa OSHA kilichofanyika katika Ofisi za OSHA Jijini Dodoma.Desemba, 20, 2025.

Na Fredy Mgunda 

Katibu Mkuu katika Ofisi ya Waziri Mkuu (Kazi, Ajira na Mahusiano ya Kazi), Bi. Mary Maganga, amesema Wakala wa Usalama na Afya Mahali pa Kazi (OSHA) ni taasisi yenye umuhimu mkubwa katika kuwezesha shughuli za uzalishaji kufanyika kwa tija na ufanisi.

Bi. Maganga ametoa kauli hiyo wakati akifungua Kikao cha Tano cha Baraza la Tano la Wafanyakazi wa OSHA kilichofanyika leo, Desemba 20, 2025, jijini Dodoma, ambapo alikuwa mgeni rasmi.

Amesema OSHA ina jukumu muhimu la kusimamia utekelezaji wa Sheria ya Afya na Usalama Mahali pa Kazi, huku akiipongeza taasisi hiyo kwa kutekeleza majukumu yake kwa ufanisi. Aidha, amewasisitiza watumishi kuendelea kufanya kazi kwa weledi, kuzingatia kanuni za utumishi wa umma na kuimarisha ushirikiano kazini.

“Kabla ya kufungua rasmi kikao hiki, napenda kusisitiza umuhimu wa kufanya kazi kwa weledi. Mara nyingi tumekuwa tukiamini kuwa wito unawahusu zaidi viongozi wa dini, lakini hata kazi zetu hizi ni wito, kwani kuna wananchi wengi wanaotegemea huduma zetu,” amesema Bi. Maganga.

Awali, akimkaribisha Katibu Mkuu kufungua kikao hicho, Mtendaji Mkuu wa OSHA, Bi. Khadija Mwenda, amesema kikao hicho kinalenga kutathmini utendaji wa taasisi kwa kipindi kilichopita na cha sasa, pamoja na kuweka mwelekeo wa maendeleo ya OSHA kwa kipindi kijacho.

Amesema kikao hicho kinatazama utekelezaji wa shughuli za mwaka wa fedha 2024/2025 pamoja na tathmini ya utendaji katika miezi mitano ya mwaka wa fedha 2025/2026, ikiwa ni maandalizi ya bajeti ya mwaka wa fedha 2026/2027.

Bi. Mwenda ameongeza kuwa kikao hicho kilitanguliwa na mafunzo kwa watumishi wote wa OSHA yaliyohusu maadili ya utumishi wa umma, mpango mkakati wa taasisi wa miaka mitano ijayo (2026/2027–2030/2031), masuala ya afya ya akili na itifaki.

Kwa upande wake, akitoa salamu za wafanyakazi, Naibu Katibu Mkuu wa Chama cha Wafanyakazi wa Serikali na Afya (TUGHE), Bw. Rugemalila Rutatina, ameipongeza OSHA kwa kuzingatia ushirikishwaji wa watumishi wote bila ubaguzi katika kufanya maamuzi yanayohusu utendaji wa taasisi hiyo.

Read more »

BWANKU ASHAURI MELI MPYA YA MV MWANZA KUPITA BANDARI YA KEMONDO NA KUPUNGUZA NAULI

Afisa Tarafa ya Katerero, Bwanku M. Bwanku, ameshauri Meli mpya ya MV Mwanza kupitishwa katika Bandari ya Kemondo na nauli zake kupunguzwa ili wananchi wengi waweze kunufaika na uwekezaji mkubwa uliofanywa na Serikali ya Tanzania

Baadhi ya viongozi walioshiriki kikao hicho.

Na Fredy Mgunda.

Afisa Tarafa ya Katerero, Bwanku M. Bwanku, ameshauri Meli mpya ya MV Mwanza kupitishwa katika Bandari ya Kemondo na nauli zake kupunguzwa ili wananchi wengi waweze kunufaika na uwekezaji mkubwa uliofanywa na Serikali ya Tanzania.

Bwanku alitoa ushauri huo umetolewa wakati wa kikao cha wadau wa bandari za Kagera kilichowakutanisha Shirika la Uwakala wa Meli Tanzania (TASAC), Kampuni ya Meli Tanzania (TASHICO) pamoja na wadau mbalimbali wa sekta ya usafiri wa majini.

Kikao hicho kililenga kupokea na kujadili maoni ya wadau kuhusu nauli za Meli mpya ya MV Mwanza, kikao kilichofanyika katika Hoteli ya ELCT mjini Bukoba.

Meli ya MV Mwanza ni meli kubwa na ya kisasa iliyojengwa kwa gharama ya zaidi ya shilingi bilioni 120, ikiwa na uwezo wa kubeba tani 400 za mizigo pamoja na abiria 1,200 kwa safari moja. Meli hiyo inatarajiwa kuanza safari zake rasmi katika Ziwa Victoria, ikihudumia mikoa ya Mwanza, Kagera na maeneo mengine ya ukanda wa Ziwa hivi karibuni.

Akizungumza katika kikao hicho, Bwanku alieleza kuwa licha ya mapendekezo ya awali ya TASAC na TASHICO kuwa meli hiyo itafanya safari kati ya Mwanza na Bukoba pekee, ni muhimu pia ipitie Bandari ya Kemondo ili kuongeza fursa za kiuchumi kwa wananchi wa maeneo ya jirani.

Aidha, alisisitiza umuhimu wa kupunguza nauli za meli hiyo ili wananchi wa kawaida waweze kumudu gharama za usafiri na hivyo kunufaika moja kwa moja na uwekezaji huo wa Serikali.

Kikao hicho kilifunguliwa na Mkuu wa Mkoa wa Kagera kupitia kwa Mkuu wa Wilaya ya Missenyi, Kanali (Mst) Hamis Maiga, ambaye aliwataka wadau kutoa maoni yao kwa lengo la kuboresha huduma za usafiri wa majini katika Ziwa Victoria.

Read more »

WAHIFADHI TFS SAO HILL WAJENGEWA UELEWA WA AFYA

Mhifadhi Mkuu wa Shamba la Miti Sao Hill, PCO Tebby Yoramu,akiwa anapima afya akiwaongoza watumishi wengine wa Zao Hill kupima afya zao na amesema mafunzo hayo hutolewa kila mwaka kama sehemu ya mafunzo endelevu kwa watumishi wa TFS, yakilenga kuwajengea uwezo wa kujikinga na magonjwa yanayoathiri afya na kushusha kasi ya utendaji kazi.

Wahifadhi wa Wakala wa Huduma za Misitu Tanzania (TFS) kutoka Shamba la Miti Sao Hill wamepatiwa mafunzo maalumu kuhusu masuala ya afya, yakilenga kuongeza uelewa juu ya maambukizi ya Virusi vya Ukimwi (VVU) pamoja na magonjwa yasiyoambukiza, ikiwa ni sehemu ya juhudi za kuboresha ustawi wao na kuongeza ufanisi katika utekelezaji wa majukumu ya uhifadhi wa misitu.

Wahifadhi wa Wakala wa Huduma za Misitu Tanzania (TFS) kutoka Shamba la Miti Sao Hill wamepatiwa mafunzo maalumu kuhusu masuala ya afya, yakilenga kuongeza uelewa juu ya maambukizi ya Virusi vya Ukimwi (VVU) pamoja na magonjwa yasiyoambukiza, ikiwa ni sehemu ya juhudi za kuboresha ustawi wao na kuongeza ufanisi katika utekelezaji wa majukumu ya uhifadhi wa misitu.

Na Fredy Mgunda, Mufindi Iringa 

Wahifadhi wa Wakala wa Huduma za Misitu Tanzania (TFS) kutoka Shamba la Miti Sao Hill wamepatiwa mafunzo maalumu kuhusu masuala ya afya, yakilenga kuongeza uelewa juu ya maambukizi ya Virusi vya Ukimwi (VVU) pamoja na magonjwa yasiyoambukiza, ikiwa ni sehemu ya juhudi za kuboresha ustawi wao na kuongeza ufanisi katika utekelezaji wa majukumu ya uhifadhi wa misitu.

Mafunzo hayo yamelenga kuwaelimisha wahifadhi kuhusu hali halisi ya maambukizi ya VVU, njia za kujikinga, umuhimu wa upimaji wa hiari na wa siri, pamoja na kuondoa dhana potofu zinazokwamisha juhudi za kudhibiti maambukizi. Washiriki walikumbushwa kuzingatia maadili, kujilinda na kuchukua tahadhari stahiki katika maisha ya kila siku.

Akizungumza wakati wa ufunguzi wa mafunzo hayo, Mhifadhi Mkuu wa Shamba la Miti Sao Hill, PCO Tebby Yoramu, amesema mafunzo hayo hutolewa kila mwaka kama sehemu ya mafunzo endelevu kwa watumishi wa TFS, yakilenga kuwajengea uwezo wa kujikinga na magonjwa yanayoathiri afya na kushusha kasi ya utendaji kazi.

“Afya njema ni mtaji muhimu katika kulinda rasilimali za misitu, kwani kazi ya uhifadhi inahitaji nguvu, umakini na utayari wa mwili na akili. Ni muhimu kuzingatia maelekezo ya wataalamu ili kujikinga na magonjwa mbalimbali,” amesema PCO Yoramu.

Katika mafunzo hayo, mada za magonjwa yasiyoambukiza yakiwemo shinikizo la damu, kisukari, magonjwa ya moyo na saratani zilijadiliwa kwa kina. Wahifadhi walielimishwa kuhusu dalili za awali, visababishi na athari za magonjwa hayo kwa afya na ufanisi wa kazi.

Washiriki walihimizwa kubadili mtindo wa maisha kwa kuzingatia lishe bora, kufanya mazoezi ya mara kwa mara, kudhibiti msongo wa mawazo na kuepuka matumizi ya pombe kupita kiasi pamoja na uvutaji wa sigara, ambavyo vimetajwa kuwa miongoni mwa vyanzo vikuu vya magonjwa yasiyoambukiza.

Naye Mganga Mkuu wa Halmashauri ya Mji wa Mafinga, Dkt. Bonaventura Chitopela, amesema kila mmoja ana wajibu wa kulinda afya yake kwa kupima afya mapema na kufuata ushauri wa wataalamu ili kupata matibabu kwa wakati.

“Tumia fursa hizi kupima afya zenu mara kwa mara ili kujua hali za kiafya mapema, hatua itakayowezesha kupata matibabu na ushauri kwa wakati,” amesema Dkt. Chitopela.

Kwa upande wake, Mkufunzi kutoka TACAIDS na Meneja wa Kanda ya Nyanda za Juu Kusini, Bw. Emmanuel Petro, amewataka wahifadhi kutumia kikamilifu elimu waliyoipata kwa kuchukua hatua za mapema dhidi ya changamoto za kiafya, akisisitiza kuwa uzingatiaji wa maelekezo ya wataalamu ni msingi wa kuzuia madhara ya kiafya.

Mafunzo hayo ni sehemu ya jitihada za TFS kuhakikisha wahifadhi na watumishi wake wanakuwa na afya bora, nidhamu na uwajibikaji. Wahifadhi walioshiriki wameahidi kuzingatia elimu waliyoipata na kuwa mabalozi wa afya njema katika maeneo yao ya kazi na jamii zinazowazunguka.

Read more »

MBUNGE LIWAKA KUWANUNULIA KOFIA NGUMU BODABODA ZAIDI YA 300.

Mbunge wa Jimbo la Nachingwea Fadhili Liwaka akitoa ahadi ya kuwalipia bodaboda zaidi 300 shilingi Elfu tano (5000) kwa Kila bodaboda atakayekwenda kununua kofia ngumu kwenye duka maalum alilolipendekeza.

Baadhi ya madereva bodaboda wakiwa makini kumsikiliza Mbunge wa Jimbo la Nachingwea Fadhili Liwaka akitoa ahadi ya kuwalipia bodaboda zaidi 300 shilingi Elfu tano (5000) kwa Kila bodaboda atakayekwenda kununua kofia ngumu kwenye duka maalum alilolipendekeza.

Na Fredy Mgunda, Nachingwea.

Mbunge wa Jimbo la Nachingwea Fadhili Liwaka ameahidi kuwalipia bodaboda zaidi 300 shilingi Elfu tano (5000) kwa Kila bodaboda atakayekwenda kununua kofia ngumu kwenye duka maalum alilolipendekeza.

Akizungumza katika kikao kazi na bodaboda hao, Mbunge Liwaka alisema kuwa ameamua kuwaunga mkono kwa kiasi hicho cha fedha kwa lengo kuwaondolea adha ya kukamatwa na polisi wa barabarani pamoja kujikinga na ajali za barabarani.

"Napokea simu kutoka kwa bodaboda juu ya kukamatwa na polisi wa barabarani kwa kosa la kutokuwa na kofia ngumu hivyo Mimi kama Mbunge wenu nimeamua kuwachangia kiasi hicho ili kila mmoja wenu aweze kulimiki kofia ngumu yake"alisema Mbunge Liwaka 

Mbunge huyo aliliomba Jeshi la Polisi wilaya ya Nachingwea kuwapa muda mfupi ili kila bodaboda aweze kununua kofia ngumu kwa ofa aliyoitoa ya kuwachangia kiasi Cha shilingi Elfu tano kununua kofia hizo.

Kwa upande wake kiongozi wa bodaboda alimshukuru Mbunge Liwaka kwa moyo wa dhati wa kuwasaidia vijana hao kupata kofia ngumu kwa bei ya ofa ambayo amechangia Kila kofia ngumu shilingi Elfu tano.

Nao baadhi ya waendesha bodaboda wilaya ya Nachingwea akiwemo Mohamed Rashidi wamemshukuru Mbunge na kuahidi kutoa kiasi hicho cha fedha ili kuwaezesha bodaboda kupata kofia ngumu na  wapo tayari kumuunga mkono kwa kununua kofia hizo kama alivyo waelekeza.

MWISHO.

Read more »