TFS YAJIDHATITI KUKABILIANA NA MAJANGA YA MOTO MSITUNI

Baadhi ya vijana wakipewa mafunzo ya utimamamu wa mwili kwa ajili ya kulinda na kuzuia mtoto usiharibu miti ya mashamba ya miti Sao Hill.Baadhi ya vijana wakipewa mafunzo ya utimamamu wa mwili kwa ajili ya kulinda na kuzuia mtoto usiharibu miti ya mashamba ya miti Sao Hill.Baadhi ya vijana wakipewa mafunzo ya utimamamu wa mwili kwa ajili ya kulinda na kuzuia mtoto usiharibu miti ya mashamba ya miti Sao Hill.

Na Fredy Mgunda,Mufindi

Ikiwa ni kuelekea msimu wa kipindi cha kiangazi, Wakala wa Huduma za Misitu Tanzania TFS kupitia Shamba la Miti Sao Hill umeendesha zoezi la usahili kwa watumishi wa muda watakaounda kikosi maalumu kwa  ajili ya kupambana na kudhibiti majanga ya moto katika maeneo yanayolizunguka Shamba.

Zoezi hilo limefanyika leo Juni 16, 2025 katika viwanja vya Shamba la Miti Sao Hill likishirikisha wahifadhi wa Shamba, Jeshi la Zimamoto na Uokoaji pamoja na Jeshi la Polisi, likilenga kupata vikosi vitakavyohudumu katika Makao Makuu ya Shamba pamoja na Tarafa ya II ya Shamba Ihefu.

Akizungumza katika zoezi hilo Mhifadhi Mwandamizi anayesimamia Utumishi na Utawala Felista Bayo amesema kuwa katika mwaka wa fedha 2025/2026 Shamba linatarajia kuajiri watumishi wa muda 192 kwa ajili ya kukabiliana na kupambana na majanga ya moto kwa kipindi chote cha kiangazi.

Ameongeza kuwa licha ya maombi kuwa mengi kulinganisha na nafasi zilizotajwa, Shamba la Miti Sao aaHill lina shughuli nyingine zinazoendelea katika vituo vyake vyote ikiwa ni pamoja shughuli za bustani na usafi wa mashamba, hivyo wanaokosa nafasi katika vikosi hivyo wanapata fursa ya kuendelea na shuguli nyingine za Shamba.

Kwa upande wake Mhifadhi anayesimamia Kitengo cha Ulinzi wa Msitu dhidi ya moto Murya Sawa amesema kuwa baada ya kukamilisha zoezi hili ni matarajio ya TFS kupitia Shamba la Miti SaoHill kuwa watumshi hawa muda  waliopata nafasi watafanya kazi hiyo kwa weledi kwa kutanguliza uzalendo huku akihimiza ushirikiano baina ya wananchi wote wanaoishi karibu na maeneo ya hifadhi katika kulinda rasilimali za misitu.

Naye Kaimu Kamanda wa Jeshi la Zimamoto na Uokoaji Wilaya ya Mufindi Ashery Kitundu amesema kuwa lengo mama la jeshi la zimamoto ni kuhakikisha matukio ya moto hayatokei kwa kutoa elimu, na kuyadhibiti pindi yanapotokea hivyo ni watumishi hawa wa muda watakuwa mabalozi wazuri katika maeneo yao waliyotoka kwa kushirikiana na jeshi la zimamoto katika kutoa elimu ya kuepuka na kukabilina na majanga ya moto.

Usaihili huo unatarijiwa kuendelea hapo kesho katika Tarafa ya Kwanza ya  Shamba Irundi kisha Tarafa ya Tatu Ihalimba, na Tarafa ya Nne Mgololo.

Read more »

VIJANA FANYENI MAZOEZI MARA KWA MARA KUIMARISHA AFYA

Katika ulimwengu wa leo unaokumbwa na changamoto nyingi za kiafya, viongozi mbalimbali wa Mkoa wa Lindi wametoa wito maalum kwa vijana na wananchi wote kufanya mazoezi mara kwa mara kama njia ya kuimarisha afya na kuzuia magonjwa yasiyoambukiza. Wito huo umetolewa wakati wa maonyesho ya madini yanayoendelea katika viwanja vya madini wilayani Ruangwa.Katika ulimwengu wa leo unaokumbwa na changamoto nyingi za kiafya, viongozi mbalimbali wa Mkoa wa Lindi wametoa wito maalum kwa vijana na wananchi wote kufanya mazoezi mara kwa mara kama njia ya kuimarisha afya na kuzuia magonjwa yasiyoambukiza. Wito huo umetolewa wakati wa maonyesho ya madini yanayoendelea katika viwanja vya madini wilayani Ruangwa.Katika ulimwengu wa leo unaokumbwa na changamoto nyingi za kiafya, viongozi mbalimbali wa Mkoa wa Lindi wametoa wito maalum kwa vijana na wananchi wote kufanya mazoezi mara kwa mara kama njia ya kuimarisha afya na kuzuia magonjwa yasiyoambukiza. Wito huo umetolewa wakati wa maonyesho ya madini yanayoendelea katika viwanja vya madini wilayani Ruangwa.

Na Fredy Mgunda,Lindi.

Katika ulimwengu wa leo unaokumbwa na changamoto nyingi za kiafya, viongozi mbalimbali wa Mkoa wa Lindi wametoa wito maalum kwa vijana na wananchi wote kufanya mazoezi mara kwa mara kama njia ya kuimarisha afya na kuzuia magonjwa yasiyoambukiza. Wito huo umetolewa wakati wa maonyesho ya madini yanayoendelea katika viwanja vya madini wilayani Ruangwa.

Viongozi hao wamebainisha kuwa afya njema siyo tu msingi wa maisha bora, bali pia ni mtaji muhimu kwa maendeleo ya mtu binafsi na taifa kwa ujumla.

“Afya bora ndiyo msingi wa maisha na maendeleo ya mtu binafsi na taifa. Tunapaswa kujenga utamaduni wa kufanya mazoezi kila wakati ili kuimarisha kinga ya mwili dhidi ya magonjwa mbalimbali,” walisisitiza viongozi hao.

Mazoezi ya mwili yameelezwa kuwa na faida lukuki ikiwa ni pamoja na kupunguza hatari ya kupata magonjwa ya moyo, kisukari, shinikizo la damu na unene uliopitiliza. 

Kwa vijana, mazoezi husaidia katika kujenga miili imara, kuimarisha uwezo wa kujifunza na kujiamini, na pia kupunguza msongo wa mawazo.

Pamoja na kutoa wito wa mazoezi, viongozi hao waliwahamasisha wananchi kuendelea kujitokeza kwa wingi katika maonyesho ya madini yanayoendelea, kwani yameleta fursa nyingi za kiuchumi na kielimu kwa wakazi wa Lindi na maeneo jirani.

 Maonyesho hayo yanalenga kuinua sekta ya madini kwa kuonesha teknolojia mpya, mbinu za usindikaji, pamoja na fursa za uwekezaji katika rasilimali za madini.

Kwa kuzingatia mchango mkubwa wa vijana katika maendeleo ya taifa, viongozi hao wamehimiza kuwa ni muhimu kwa vijana kuwekeza katika afya zao kupitia mazoezi na pia kutumia fursa kama hizi za maonyesho kupata maarifa yatakayowasaidia kuinua maisha yao na ya jamii kwa ujumla.

Mazoezi ya mwili ni njia rahisi na ya gharama nafuu ya kujilinda dhidi ya maradhi na kuimarisha afya. Viongozi wa Mkoa wa Lindi wameweka wazi kuwa ni wajibu wa kila mmoja, hasa vijana, kuchukua hatua na kuwa mabalozi wa afya bora kupitia mazoezi ya mara kwa mara. 

Read more »

WAZIRI WA NISHATI NA MADINI ZANZIBAR AZINDUA MAONYESHO YA MADINI LINDI

Waziri wa Nishati na Madini wa Serikali ya Mapinduzi Zanzibar, Mheshimiwa Shaibu Hassan Kaduara, amezindua rasmi awamu ya pili ya Maonyesho ya Madini (Lindi Mining Expo) mkoani Lindi, yakilenga kuvutia wawekezaji na kutangaza fursa mbalimbali za rasilimali madini zinazopatikana mkoani humo.

Waziri wa Nishati na Madini wa Serikali ya Mapinduzi Zanzibar, Mheshimiwa Shaibu Hassan Kaduara, amezindua rasmi awamu ya pili ya Maonyesho ya Madini (Lindi Mining Expo) mkoani Lindi, yakilenga kuvutia wawekezaji na kutangaza fursa mbalimbali za rasilimali madini zinazopatikana mkoani humo.

Waziri wa Nishati na Madini wa Serikali ya Mapinduzi Zanzibar, Mheshimiwa Shaibu Hassan Kaduara, amezindua rasmi awamu ya pili ya Maonyesho ya Madini (Lindi Mining Expo) mkoani Lindi, yakilenga kuvutia wawekezaji na kutangaza fursa mbalimbali za rasilimali madini zinazopatikana mkoani humo.

Waziri wa Nishati na Madini wa Serikali ya Mapinduzi Zanzibar, Mheshimiwa Shaibu Hassan Kaduara, amezindua rasmi awamu ya pili ya Maonyesho ya Madini (Lindi Mining Expo) mkoani Lindi, yakilenga kuvutia wawekezaji na kutangaza fursa mbalimbali za rasilimali madini zinazopatikana mkoani humo.

Na Fredy Mgunda, Ruangwa, Lindi.

Waziri wa Nishati na Madini wa Serikali ya Mapinduzi Zanzibar, Mheshimiwa Shaibu Hassan Kaduara, amezindua rasmi awamu ya pili ya Maonyesho ya Madini (Lindi Mining Expo) mkoani Lindi, yakilenga kuvutia wawekezaji na kutangaza fursa mbalimbali za rasilimali madini zinazopatikana mkoani humo.

Akizungumza wakati wa uzinduzi huo, Waziri Kaduara alisema thamani ya dhahabu imeendelea kupanda katika soko la dunia kutokana na athari za vita kati ya Urusi na Ukraine, ambako dhahabu inayozalishwa na Urusi imewekewa vikwazo kuingia katika masoko ya kimataifa.

"Sera ya Taifa ya Uwekezaji ya 1996, pamoja na Sera ya Maendeleo ya Viwanda ya 1996–2020 na ile ya Viwanda Vidogo ya mwaka 2003, zipo kwenye mchakato wa kupitia upya kwa lengo la kuendana na mahitaji ya sasa ya maendeleo ya kimkakati," alisema Kaduara.

Waziri huyo alibainisha kuwa miradi ya madini ni miongoni mwa miradi ya kimkakati nchini, ambayo inaendelea kufanyiwa tathmini kwa kushirikiana na wadau mbalimbali wa maendeleo, ikiwa ni sehemu ya maandalizi ya sera mpya itakayowezesha Watanzania kunufaika zaidi na sekta hiyo.

Lindi Yajitokeza Kama Kitovu cha Madini Nchini

Kwa upande wake, Mkuu wa Mkoa wa Lindi, Mheshimiwa Zainab Telack, alisema mkoa huo umebarikiwa kuwa na rasilimali kubwa za madini ambazo tayari zimeanza kuwanufaisha wananchi moja kwa moja.

“Maonyesho haya yanafungua milango kwa wawekezaji wa ndani na nje ya nchi. Yanachochea uchumi wa eneo hili na kuongeza thamani ya madini tunayochimba,” alisema RC Telack.

Aliongeza kuwa maonyesho ya awamu ya kwanza mwaka 2023 yalivutia wageni kutoka mataifa 14 na zaidi ya watu 6,000 walihudhuria, jambo lililoongeza hadhi ya Lindi kama eneo la kimkakati kwa shughuli za madini nchini.

“Kwa sasa tunaona ongezeko la wawekezaji, uboreshaji wa miundombinu na fursa za ajira, hali inayodhihirisha kuwa Lindi ni sehemu muhimu katika ajenda ya maendeleo ya taifa,” aliongeza.

Ongezeko la Wachimbaji na Teknolojia ya Uchimbaji

Kwa mujibu wa Mratibu wa Maonyesho hayo, Bw. Mwinjuma Mkungu, ambaye ni Katibu Tawala Msaidizi Uchumi mkoani Lindi, idadi ya wachimbaji imeongezeka kutoka 2,265 hadi 2,948 baada ya maonyesho ya kwanza, huku mitambo ya kisasa ya uchimbaji ikiongezeka pia.

“Tumeona ongezeko kubwa la wawekezaji na mapato ya serikali yameongezeka kwa asilimia 10.1 baada ya maonyesho ya awali. Hii inaonyesha mchango wa moja kwa moja wa maonyesho haya kwa uchumi wa taifa,” alisema Mkungu.

Alfred Chilumba, mchimbaji mdogo, alishuhudia mabadiliko makubwa baada ya kupata elimu kupitia maonyesho ya awali.

“Tulikuwa hatujui kama tunaweza kutumia mitambo ya kisasa. Maonyesho haya yametufungua macho,” alisema.

Anna Milanzi, mama lishe anayehudumu kwenye maonyesho hayo, alisema ametumia fursa ya ongezeko la wageni kuongeza kipato chake.

“Kwa siku za kawaida napika kilo 5 za unga, lakini leo nimepika kilo 15. Biashara imenoga,” alisema kwa furaha.

Maonyesho Yadumu kwa Siku Kadhaa

Maonyesho hayo ya siku kadhaa yanahusisha maonesho ya bidhaa za madini, teknolojia mpya za uchimbaji, warsha za kitaalamu, na majadiliano baina ya serikali, wawekezaji na wachimbaji wadogo.

Yamebeba kauli mbiu: “Madini na Uwekezaji wa Fursa za Kiuchumi Lindi – Shiriki Uchaguzi Mkuu 2025”, yakisisitiza uhusiano kati ya maendeleo ya sekta ya madini na ushiriki wa wananchi katika mustakabali wa taifa.

Read more »

MADAKTARI BINGWA 47 WATIA NANGA MKOANI LINDI KUTOA HUDUMA ZA KIBINGWA

Katibu Tawala wa Mkoa wa Lindi, Bi. Zuwena Omary akizunguza wakati  kuwapokea rasmi madaktari bingwa 47 chini ya mpango wa Rais Dkt. Samia Suluhu Hassan, awamu ya tatu, kwa ajili ya kutoa huduma za kibingwa katika hospitali zote za wilaya ndani ya mkoa huo.

Baadhi ya Madaktari bingwa ambao wamewasili mkoani Lindi kwa ajili ya kutoa huduma za kibingwa kwa wananchi wote mkoani.

Na Fredy Mgunda, Lindi.

Serikali ya Mkoa wa Lindi imewapokea rasmi madaktari bingwa 47 chini ya mpango wa Rais Dkt. Samia Suluhu Hassan, awamu ya tatu, kwa ajili ya kutoa huduma za kibingwa katika hospitali zote za wilaya ndani ya mkoa huo.

Akizungumza wakati wa mapokezi hayo, Katibu Tawala wa Mkoa wa Lindi, Bi. Zuwena Omary, alisema kuwa ujio wa madaktari hao ni sehemu ya jitihada za serikali kusogeza huduma za afya karibu na wananchi, hasa wale walioko maeneo ya vijijini ambako awali walilazimika kusafiri mbali kupata huduma za kibingwa.

“Huduma hizi zitapatikana katika maeneo saba ndani ya mkoa kwa siku sita mfululizo kuanzia leo. Lengo ni kuhakikisha kila mwananchi anapata huduma bora na kwa wakati,” alisema Bi. Omary.

Aliongeza kuwa Serikali ya Awamu ya Sita inayoongozwa na Rais Samia Suluhu Hassan imekuwa mstari wa mbele kuboresha sekta ya afya kwa kujenga miundombinu ya kisasa, kununua vifaa tiba vya kisasa, pamoja na kuongeza wataalamu mbalimbali wa afya nchini.

Kwa upande wake, Mratibu wa timu hiyo ya madaktari, Michael Mbele, alieleza kuwa madaktari hao wamejipanga kikamilifu kutoa huduma zote muhimu za afya kwa wananchi wote, bila ubaguzi, katika hospitali za wilaya walizopangiwa.

“Tumewakilishwa na wataalamu wa kada zote za afya, kuanzia magonjwa ya ndani, watoto, wanawake, upasuaji na hata huduma za kisaikolojia. Huduma zote hizi sasa zitapatikana katika hospitali za wilaya,” alisema Mbele.

Wananchi wa Mkoa wa Lindi waliopata fursa ya kuhudumiwa walieleza furaha na shukrani kwa serikali, hususan kwa Mheshimiwa Rais, kwa kuendelea kuboresha huduma za afya nchini, hatua ambayo wameitaja kama ya kipekee na ya kupongezwa.

Read more »

BARAZA LA MADIWANI KASULU LIMEMCHANGIA MILIONI 1 RAIS DKT SAMIA KWA AJILI YA KUCHUKUA FOMU YA KUGOMBEA TENA URAIS.

Baraza la Madiwani na Menejimenti ya Halmashauri ya Wilaya ya Kasulu limemshukuru na kumpongeza Mhe.Rais Samia Suluhu Hassan kutokana na kazi kubwa ambapo wamechangia kiasi cha  shilingi 1,000,000  kwa ajili  ya kuchukua fomu ya kugombea Urais kwa Mhe.Rais na shilingi 577,000 kwa ajili ya Mbunge wa Jimbo la Kasulu Vijijini,Mhe.Vuma Olle  kuchukua fomu ya kugombea ubunge

Baraza la Madiwani na Menejimenti ya Halmashauri ya Wilaya ya Kasulu limemshukuru na kumpongeza Mhe.Rais Samia Suluhu Hassan kutokana na kazi kubwa ambapo wamechangia kiasi cha  shilingi 1,000,000  kwa ajili  ya kuchukua fomu ya kugombea Urais kwa Mhe.Rais na shilingi 577,000 kwa ajili ya Mbunge wa Jimbo la Kasulu Vijijini,Mhe.Vuma Olle  kuchukua fomu ya kugombea ubunge

Baraza la Madiwani na Menejimenti ya Halmashauri ya Wilaya ya Kasulu limemshukuru na kumpongeza Mhe.Rais Samia Suluhu Hassan kutokana na kazi kubwa ambapo wamechangia kiasi cha  shilingi 1,000,000  kwa ajili  ya kuchukua fomu ya kugombea Urais kwa Mhe.Rais na shilingi 577,000 kwa ajili ya Mbunge wa Jimbo la Kasulu Vijijini,Mhe.Vuma Olle  kuchukua fomu ya kugombea ubunge

Baraza la Madiwani na Menejimenti ya Halmashauri ya Wilaya ya Kasulu limemshukuru na kumpongeza Mhe.Rais Samia Suluhu Hassan kutokana na kazi kubwa ambapo wamechangia kiasi cha  shilingi 1,000,000  kwa ajili  ya kuchukua fomu ya kugombea Urais kwa Mhe.Rais na shilingi 577,000 kwa ajili ya Mbunge wa Jimbo la Kasulu Vijijini,Mhe.Vuma Olle  kuchukua fomu ya kugombea ubunge

 Na Fredy Mgunda,Kigoma.

Baraza la Madiwani na Menejimenti ya Halmashauri ya Wilaya ya Kasulu limemshukuru na kumpongeza Mhe.Rais Samia Suluhu Hassan kutokana na kazi kubwa  na nzuri aliyoifanya ya kuleta fedha nyingi za utekelezaji wa miradi mikubwa ya maendeleo katika halmshaur hiyo.

Ambapo wamechangia kiasi cha  shilingi 1,000,000  kwa ajili  ya kuchukua fomu ya kugombea Urais kwa Mhe.Rais na shilingi 577,000 kwa ajili ya Mbunge wa Jimbo la Kasulu Vijijini,Mhe.Vuma Olle  kuchukua fomu ya kugombea ubunge.  

 Akizungumza leo katika kikao cha robo ya tatu cha Baraza Mwenyekiti wa Halmashauri hiyo,Mhe. Eliya Kgoma,amesema kuwa ni ukweli usiopingika kuwa Rais Samia amefanya kazi kubwa ya maendeleo wilayani humo.

Kwa upande wake ,Mkurugenzi Mtendaji wa halmsahuri hiyo, Dkt.Semistatus H. Mashimba akizungumza kwa niaba ya watendaji wa Halmashauri,amesema kuwa wanaungana na Baraza hilo katika kumpongeza Rais Samia kutokana na fedha nyingi alizoleta kutekeleza miradi mikubwa ya maendeleo ambazo zimewanufaisha wananchi.

Katibu wa CCM Wilaya ya Kasulu,Jennifer Chinguile,amepokea mchango huo kwa niaba ya chama na kuahidi kuuwasilisha kwa Katibu Mkuu wa CCM,Balozi Emmanuel Nchimbi kabla ya mkutano mkuu unaotarajiwa kufanyika badae mwezi huu.

Kwa upande wake,Katibu wa Mbunge wa Jimbo la Kasulu Vijijini, Simon Nzibuje ametoa shukrani kwa mchango huo na kuhaidi kuufikisha kwa mhusika.

Akitoa salamu za serkali, Mkuu wa Wilaya ya Kasulu,Mhe. Kanali Isaac Mwakisu amewataka wananchi kuwa na taadhari na kuhakikisha wanatunza chakula kutokana na hali isiyoridhisha ya usalama wa chakula kwa sasa.

Read more »

WAHIFADHI TFS SAO HILL WAKAGUA UKARABATI WA MIONDOMBINU YA BARABARATARAFA YA NNE YA SHAMBA MGOLOLO

Wahifadhi tfs sao hill wakagua ukarabati wa miondombinu ya barabaratarafa ya nne ya shamba mgololo akiwa katika eneo la ukaguzi wa barabaraWahifadhi tfs sao hill wakagua ukarabati wa miondombinu ya barabaratarafa ya nne ya shamba mgololo akiwa katika eneo la ukaguzi wa barabara

Na Fredy Mgunda,Mufindi.

Ukaguzi huo umefanyika ikiwa ni hatua ya kuhakikisha kuwa mawasiliano ya barabara zilizopo ndani ya msitu yanaendelea  kuwepo ili kuhakikisha  shughuli za shamba na zile za watumiaji wa barabara hizo ambao ni wavunaji wa miti wanaosafirisha malighafi za miti wanapita katika barabara hizo bila vikwazo vyovyote.

TFS kupitia Shamba la Miti Sao Hill imeendelea kutatua changamoto mbalimbali ambazo zinajitokeza ili kuhakikisha wadau wanaovuna malighafi katika Shamba wanafanya shughuli hiyo kwa wakati na hivyo kupekelekea uvunaji na usafirisha wa malighafi unafanyika bila vikwazo, na kupelekea wadau hao kufanya shughuli zao kwa wakati za kujipatia kipato kwa kuvuna malighafi ya miti na pia serikali kukusanya mapato yake kwa wakati uliopangwa.

Shughuli mbalimbali zinaendele hapa TFS - Shamba la miti Sao Hii katika Tarafa zote nne (4) za shamba ikiwa ni pamoja na maandalizi ya bustani ya miche ya miti kwaajili ya msimu ujao wa upandaji na uvunaji wa malighafi ya miti katika kipindi hiki ambacho mvua katika baadhi ya maeneo zinaendelea kunyesha.

Read more »

KAMATI YA SIASA YA CCM MKOA WA LINDI YAIPONGEZA KILWA KWA UTEKELEZAJI WA ILANI

Mwenyekiti wa Umoja wa Wanawake Tanzania (UWT) Mkoa, Mheshimiwa Kuruthum Issa Runje akikagua utekelezaji wa ilani ya CCM wilaya ya Kilwa mkoani LindiViongozi wa chama chama mapinduzi mkoa wa Lindi wakiendeea na ukaguzi wa ilani ya CCM kwa kugua miradi mbalimbali katika wilaya ya KilwaViongozi wa chama chama mapinduzi mkoa wa Lindi wakiendeea na ukaguzi wa ilani ya CCM kwa kugua miradi mbalimbali katika wilaya ya Kilwa

Na Fredy Mgunda, Kilwa Lindi 

Kamati ya Siasa ya Chama cha Mapinduzi (CCM) Mkoa wa Lindi ikiongozwa na Mwenyekiti wa Umoja wa Wanawake Tanzania (UWT) Mkoa, Mheshimiwa Kuruthum Issa Runje, imefanya ziara maalum Wilayani Kilwa kwa ajili ya kukagua utekelezaji wa miradi ya maendeleo inayotekelezwa chini ya Ilani ya CCM ya mwaka 2020–2025.

Katika ziara hiyo, kamati ilitembelea na kukagua miradi mbalimbali ya maendeleo yenye jumla ya thamani ya Shilingi 44,551,077,124.12. Miradi hiyo inahusisha nyanja mbalimbali muhimu kwa ustawi wa wananchi wa Kilwa, ikiwemo maji, elimu na afya.

Miongoni mwa miradi iliyotembelewa ni pamoja na Mradi wa Maji kwa Miji 28 ambao unagharimu Shilingi 44,007,870,224.12. Mradi huu mkubwa unatarajiwa kuboresha upatikanaji wa huduma ya maji safi na salama kwa wakazi wa maeneo mbalimbali ndani ya Wilaya ya Kilwa.

Pia kamati ilikagua ujenzi wa nyumba ya mtumishi katika Shule ya Sekondari ya Mavuji (Shilingi 95,000,000), ujenzi wa madarasa mawili katika Shule ya Msingi Naipuli (Shilingi 64,000,000), na ujenzi wa jengo la Vijana Rika katika Kituo cha Afya Tingi (Shilingi 22,006,900). Aidha, walitembelea mradi wa ujenzi wa mabweni mawili, madarasa manne na vyoo katika Shule ya Sekondari Mtanga wenye jumla ya thamani ya Shilingi 362,200,000.

Akizungumza baada ya ziara hiyo, Mhe. Kuruthum Issa aliipongeza Halmashauri ya Wilaya ya Kilwa, Baraza la Madiwani na watendaji wote kwa usimamizi thabiti na utekelezaji bora wa miradi hiyo. Alieleza kuwa utekelezaji huo unaonesha namna ambavyo Ilani ya CCM inatekelezwa kwa vitendo kwa ajili ya kuwaletea wananchi maendeleo ya kweli.

“Tunafurahishwa na kasi na uwajibikaji wa viongozi wetu wa Wilaya ya Kilwa katika kutekeleza Ilani ya Chama. Ushirikiano uliopo baina ya viongozi wa Serikali, CCM na wadau mbalimbali ni mfano wa kuigwa. Tuendelee kuchapa kazi kwa kushirikiana ili kuunga mkono jitihada za Mhe. Dkt. Samia Suluhu Hassan, Rais wa Jamhuri ya Muungano wa Tanzania,” alisema Mhe. Kuruthum.

Ziara hiyo ni sehemu ya utaratibu wa kawaida wa chama hicho kuhakikisha kuwa ahadi zake kwa wananchi kupitia Ilani ya Uchaguzi zinatekelezwa kwa ufanisi, uwazi na kwa kuzingatia vipaumbele vya maendeleo kwa wananchi.

Read more »

MAONESHO YA MADINI MKOA WA LINDI KUFANYIKA JULAI 11 HADI 14, 2025.

Mkuu wa Mkoa wa Lindi,Zainab Telack ameongoza Kikao cha kwanza cha maandalizi ya Maonesho kilichofanyika Ruangwa huku akitaja Juni 11 hadi 14, 2025 kuwa tarehe ya msimu wa pili wa  monesho ya madini katika mkoa huo ambayo yataambatana na mnada wa madini

Baadhi ya a washiriki wa kikao cha maandalizi ya wiki ya madini Lindi.

Na Fredy Mgunda, Lindi.

 Mkuu wa Mkoa wa Lindi,Zainab Telack ameongoza Kikao cha kwanza cha maandalizi ya Maonesho kilichofanyika Ruangwa huku akitaja Juni 11 hadi 14, 2025 kuwa tarehe ya msimu wa pili wa  monesho ya madini katika mkoa huo ambayo yataambatana na mnada wa madini,Maonesho hayo yatafanyika katika viwanja vya madini Ruangwa Mkoani Lindi.

Telack akiongoza kikao hicho  kilichowakutanisha Viongozi wa Serikali Mkoa wa Lindi, wawakilishi wa makampuni ya uchimbaji na uchenjuaji wa madini, wachimbaji wadogo wadogo, Taasisi mbalimbali za Serikali na kifedha, Bodi ya korosho na vyama vya ushirika, vikiwemo Lindi Mwambao na RUNALI, amesema maonesho ya mwaka huu yatakuwa yatofauti sana hivyo kila mmoja kwanafasi yake anaalikwa kushiriki.

Maonesho ya Madini Mkoa wa Lindi yanatarajiwa kuwa jukwaa muhimu kwa wadau wa sekta hiyo kutangaza fursa za madini, kuimarisha usimamizi wa rasilimali madini, na kuhamasisha uwekezaji endelevu kwa maendeleo ya wananchi wa Mkoa wa Lindi na Taifa kwa ujumla.

Telack ameweka mkazo katika msimu mpya wa pili wa madini wa mwaka huu kufanyika kwa mnada mkubwa wa madini ambao utatoa fursa kwa  wachimbaji na wadau wa madini kuona, kuuza na kununua  vito mbalinbali vya thamani vinavyotoka Mkoani Lindi.

Read more »

ADEM YAWAPIGA MSASA WALIMU WAKUU 4,620 WA MIKOA 6 TANZANIA BARA

Katibu Tawala Wilaya ya Nachingwea Mbarouk Balozi amefunga mafunzo  ya uongozi, usimamizi na uendeshaji wa shule za msingi yaliyoendeshwa kwa Walimu Wakuu wa Shule za Msingi za Mikoa wa Simiyu, Kigoma, Tanga, Kilimanjaro, Mbeya na Mtwara chini ya mradi wa BOOST na kusimamiwa na Wakala wa Maendeleo ya Uongozi wa Elimu (ADEM)

Makamu Mkuu wa Chuo Taaluma, Tafiti na Ushauri Elekezi -ADEM Dkt. Alphonce Amuli ameeleza kuwa hadi sasa ADEM imeshatoa mafunzo kwa walimu wakuu 4,522 katika awamu ya kwanza ya mafunzo hayo, na katika awamu hii mafunzo hayo yametolewa kwa Walimu Wakuu 4,620 katika Mikoa ya Tanga, Kilimanjaro, Simiyu, Mbeya, Kigoma na Mtwara

Baadhi ya walimu wakuu walioshiriki mafunzo hayo

Na Fredy Mgunda,Lindi

Katibu Tawala Wilaya ya Nachingwea Mbarouk Balozi amefunga mafunzo  ya uongozi, usimamizi na uendeshaji wa shule za msingi yaliyoendeshwa kwa Walimu Wakuu wa Shule za Msingi za Mikoa wa Simiyu, Kigoma, Tanga, Kilimanjaro, Mbeya na Mtwara chini ya mradi wa BOOST na kusimamiwa na Wakala wa Maendeleo ya Uongozi wa Elimu (ADEM).

 

Akizungumza katika ufungaji wa mafunzo hayo, Balozi amewataka walimu hao kwenda kuboresha utendaji kazi katika vituo vyao vya kazi kwa kihakikisha wanasimamia kikamilifu shughuli za ufundishaji na ujifunzaji shuleni kwa ubora.

 

"ADEM imemaliza kazi yake ya kuendesha mafunzo haya kwa walimu wakuu katika Mikoa sita nchini, ni wajibu wa Walimu Wakuu mliopatiwa mafunzo haya kwenda kuyatumia katika utendaji wenu wa kila siku ili kufikia adhma ya Serikali ya kuboresha elimumsingi nchini" Amesema. Balozi

 

Balozi aliwataka Walimu Wakuu kuongoza shule kwa kufuata sheria na taratibu za utumishi wa umma na kusimamia miradi ya elimu wanayotakiwa kusimamia kwa ufanisi kwani kupitia mafunzo hayo wamejengewa uwezo kuhusu usimamizi wa rasilimali za shule hususani fedha na miradi ya ujenzi inayotekelezwa shuleni.

 

Balozi alimalizia kwa kuupongeza uongozi wa ADEM kwa kuendesha mafunzo hayo kwa umahiri mkubwa na kuwataka kuendelea kuendesha mafunzo hayo kwa umahiri huo huo katika Mikoa iliyobaki.

 

Nae Makamu Mkuu wa Chuo Taaluma, Tafiti na Ushauri Elekezi -ADEM Dkt. Alphonce Amuli ameeleza kuwa hadi sasa ADEM imeshatoa mafunzo kwa walimu wakuu 4,522 katika awamu ya kwanza ya mafunzo hayo, na katika awamu hii mafunzo hayo yametolewa kwa Walimu Wakuu 4,620 katika Mikoa ya Tanga, Kilimanjaro, Simiyu, Mbeya, Kigoma na Mtwara kuanzia februari 15 hadi machi 13, 2024.

 

Dkt. Amuli aliwataka walimu kutumia mafunzo hayo katika kuboresha utendaji na usimamizi wa shule ili kuleta tija na thamani ya fedha iliyotumika kuyaendesha ionekane.

 

alisema kuwa Lengo la mafunzo ni kumjengea uwezo Mwalimu Mkuu kutekeleza majukumu yake ya kusimamia shule hususani katika kuhakikisha shughuli za shule zinafanyika kwa ubora na ufanisi unaotakiwa. Mwalimu Mkuu ni mtendaji muhimu katika ngazi ya shule.

 

Dkt. Amuli alisema kuwa baada ya mafunzo hayo, washiriki watafuatiliwa na kupimwa katika maeneo yote waliyowezeshwa,Miongoni mwa viashiria vya utekelezaji wa mafunzo kwa Mwalimu Mkuu ni pamoja na uwepo wa taarifa zifuatazo,Mpango wa Jumla wa Maendeleo ya Shule,Mpango wa kushughulikia malalamiko kwa Watumishi, wanafunzi na jamii,Mpango wa Motisha kwa wafanyakazi na wanafunzi,Miundombinu bora ya shule,Matokeo chanya ya ujifunzaji na ufundishaji shuleni.

Read more »

DED MAKUFWE AWANOA WASIMAMIZI WA MIRADI YA ELIMU NA AFYA MAKETE.

Mkurugenzi wa Halmashauri ya Wilaya ya Makete,  Ndg. William Makufwe (kushoto) akizungumza na Wasimamizi wa miradi ya Elimu na Afya, katika ukumbi wa Mikutano Bomani...akiwa pamoja Mganga mkuu wa Halmashauri Dkt. Ligobert Kalisa.

Na Fredy Mgunda, Makete.

MKURUGENZI mtendaji wa Halmashauri ya Wilaya ya Makete,William Makufwe, amewataka watumishi kuanzia ngazi ya kijiji hadi makao mkuu ya Halmashauri, ambao wanasimamia miradi kuhakikisha watimiza wajibu wao ili iweze kukamiliaka kwa wakati.

Makufwe amesema hayo wakati akizungumza na watendaji wa kata, vijiji, wakuu wa shule , waganga wafawidhi pamoja na wakuu wa idara na vitengo katika ukumbi wa mikutano Bomani,lazima viongozi washirikiane katika kukamilisha miradi ambayo imeletwa katika maeneo yao.

“hakikisheni mnashirikiana katika kukamilisha miradi sio kuachiana, kila mmoja ashiriki kikamilifu, hasa watendaji wa kata mnatakiwa kushirikiana moja moja katika kila mradi ambao unatekelezwa katika kata au kijiji husika, ili miradi ikamilike kwa wakati”

Amewataka watendaji kata pamaoja na wahusika wengine, kutoingiza maslahi binafsi katika utafutaji wa mafundi ambao watakuwa wakitekeleza ujenzi wa miradi ya serikali ili waweze kusimamiwa vizuri.

“hakikisheni mhandisi wa wilaya anashirikishwa katika utafutaji wa mafundi ambao wataenda kutekeleza miradi hiyo ya serikali ili kuwe na ufanisi katika ujenzi” alisema Makufwe

Sambamba na hayo DED Makufwe amewataka wasimamizi wa miradi, kufanya manunuzi kwa wakati kwasabu serikali imetoa pesa za kutosha, hivyo kila mtu awajibike kwa nafasi yake ili miradi iweze kukamilika kwa wakati,

 Makufwe amewata wasimamizi hao wa miradi kutunza vifaa vyote ambavyo vimenunuliwa kwaajili ya ujenzi.

Hata hivyo, amewasisitiza watumishi hao kuhakikisha wanafuata utaratibu katika ufanyaji wa manunuzi ili kutoingia katika matatizo na serikali, ikiwa ni pamoja na kufanya manunuzi kwa idhini ya wahusika hususani kitengo cha manunuzi.

“hakikisheni mnashindanisha bei za bidhaa ambazo mnataka kuzinunua ili mpate bei ambazo zinaeleweka, sio kwasababu una mahusiano na mdau fulani basi unampa tenda”.

Kwa upande mwingine, amemshukuru Rais wa Jamhuri ya Muungano wa Tanzania Dkt. Samia Suluhu Hassan kwa kuendelea kutoa fedha nyingi katika kuendeleza miradi ambayo inawagusa wananchi moja kwa moja kama vile , Elimu na Afya ili kuhakikisha watanzania wanapata huduma stahiki na bora.

Read more »

Na Fredy Mgunda,Irnga.

Mkuu wa wilaya ya Iringa Mohamed Hassan Moyo amesema kuwa wakandarasi watakao chelewesha au kujenga chini ya kiwango miradi ya kimaendeleo katika halmashauri ya Manispaa ya Iringa watarudia kwa gharama zao kwa ubora ule ule unatakiwa kutokana na thamani ya mradi husika.

Akizungumza wakati wa ziara ya kukagua miradi ya kimaendeleo katika manispaa ya Iringa, mkuu wa wilaya Mohamed Hassan Moyo alisema kuwa amefanikiwa kukagua miradi mingi ambayo imejengwa kwa viwango vinavyotakiwa ila tatizo kubwa lipo kwa wakandarasi ambao wamekuwa wakipewa tenda za ujenzi wa miradi hiyo.

alisema kuwa wakati wa ziara aligundua kuwa wakandarasi wengi wameshalipwa fedha serikali kwa ajili ya kutekeleza miradi ya serikali ila wamekuwa wanaichelewesha kwa makusudi na kusababisha kuchelewa kuanza kufanya kazi kwa miradi hiyo.

Moyo alisema kuwa miradi mingi ilijengwa kwenye halmashauri ya Manispaa ya Iringa imejengwa kwa ubora unatakiwa kulingana na thamani ya fedha iliyotakiwa kutumika katika mradi husika.

Alisema kuwa watendaji wa Manispaa ya Iringa wanatakiwa kusimamia vilivyo fedha ambazo zinakuwa zinatolewa kwa ajili ya miradi ya kimaendeleo ili kusaidia kuwa na miradi iliyojengwa kwa viwango bora.

Moyo aliwataka wananchi wa manispaa ya Iringa kuhakikisha wanatunza miundombinu ya miradi ambayo imejengwa kwenye mitaa yao ili kuhakikisha miradi hiyo inatoa manufaa ambayo yamekusudiwa na serikali ya kuchangia kukuza maendeleo.

Mkuu huyo wa wilaya ya Iringa alifanikiwa kutembelea mbalimbali kama vile kukagua ujenzi wa choo cha zahanati ya Kitanzini,kukagua shule ya msingi Azimio,ujenzi wa choo cha shule ya msingi chemchem,ujenzi wa jengo la zahanati ya Itamba,ujenzi wa maabara shule ya sekondari ya Mivinjeni,ujenzi wa madarasa manne ya shule ya msingi mawelewele,ujenzi wa shule ya sekondari ya Kwakilosa na kutembelea ujenzi wa madarasa mawili shule ya msingi Njia Panda.

Kwa upande wake Meya wa Manispaa ya Iringa Ibrahim Ngwada alisema kuwa wameyapokea maagizo yote yaliyotolewa na mkuu wa wilaya ya Iringa Mohamed Hassan Moyo na watayafanyia kazi ili kuondoa kasoro ambazo zimejitokeza kwenye baadhi ya miradi ambayo kamati hiyo wameitembelea.

Aliwataka watendaji wote wa Halmashauri ya Manispaa ya Iringa kuhakikisha wanafanya kazi zao kwa weledi unaotakiwa ili kutumia fedha za wananchi vizuri kuendana na mradi ambao unakuwa unatekelezwa kwenye maeneo yao.

Read more »

DC KASESELA : AWATAKA KAMPUNI YA MWENGA KUTENGENEZA MITA ZA WATEJA WAKE

Kaimu mkuu wa wilaya Mufindi ambaye ni mkuu wa wilaya ya Iringa Richad Kasesela akitoa neno kwenye mkutano wa maombi ya kurekebisha bei ya umeme wa Mwenga Power Limeted katika kijiji cha Igoda kilichopo wilaya ya Mufindi

Baadhi ya wananchi waliohudhuria mkutano huo wa wadau wanaotumia umeme wa kampuni ya Mwenga

Na Fredy Mgunda,Iringa.

MKUU wa wilaya ya Mufindi ameitaka kampuni ya Mwenga Power Services Limited kutengeneza mita za wateja zilizoharibika kwa wakati ili wananchi waendelee kufanya shughuli za kimaendeleo kwa kutumia nishati ya umeme ambayo inatolewa na kampuni hiyo.

Akizungumza kwenye mkutano wa maombi ya kurekebisha bei za umeme zinazotolewa na kampuni ya Mwenga,kaimu mkuu wa wilaya hiyo ambaye ni mkuu wa wilaya ya Iringa,Richad Kasesela alisema kuwa kampuni hiyo inatakiwa kutengeneza kwa wakati mita ambazo zimeharibika kwa wakati ili wananchi wasikose huduma hiyo.

Kasesela alisema kuwa jukumu la kuzitengeneza mita za umeme zilizoharibika ni jukumu la kampuni ya Mwenga Power Services limited ili kuondoa athari ambazo mteja anaweza kukutana nazo akiamua kuitengeneza yeye mwenyewe.

Alisema kuwa ni kosa kubwa kwa wananchi kutengeneza mwenyewe mita ambazo zimeharibika wakati mafundi wa kampuni ya Mwenga wapo kwa ajili ya hilo na wanajua namna ya kuzitengeneza na zisilete madhara  kwa wateja.

Kasesela aliongeza kuwa watumishi wa kampuni ya Mwenga Power Services limited wanatakiwa kutoa huduma bora kwa wateja ili kuondoa malalamiko ambayo wananchi wamekuwa wakiyatoa kwenye ofisini ya mkuu wa wilaya ya Mufindi.

Alisema kuwa nishati ya umeme inachangia kwa asilimia kubwa kukuza uchumi wa wananchi kwa kuwa wanategemea nishati hiyo katika kuzalisha bidhaa mbalimbali hata kutimiza majukumu ya kuleta maendelea kwa ujumla.

Kasesela aliwapongeza mamlaka ya udhibiti wa huduma za nishati na maji (EWURA) kwa namna wanavyofanya kazi zao kwa kushiikiana na wananchi ili kuhakikisha wanaondoa kero  ambazo hazina msingi kwenye kuleta maendeleo na kukuza uchumu kwa wananchi.

Aidha Kasesela alimalizia kwa kuwaomba wananchi wa vijiji 32 kuendelea kutumia umeme unaozalishwa na kampuni ya Mwenga Power Services limited ambao unagharama  nafuu na unasaidia kukuza uchumi wa wananchi wa vijiji hiyo na taifa kwa ujumla.

 

kwa upande wake kaimu mkurugenzi mkuu wa EWURA,Nzinyangwa Mchany alisema kuwa ili kampuni iruhusiwe kurekebisha bei ni lazima afuate kanuni za EWURA za umeme na gesi asilia za maombi ya kupanga bei za mwaka 2017 zilizofanyiwa marekebisho mwaka 2021 ambapo kuna hatua saba za kuzifuata.

Alisema kuwa wanatakiwa kupokea maombi,kupitia maombi na kuomba ufafanuzi mbalimbali kutoka kwenye mamlaka,kuweka mkutano wa hadhara(taftishi) ,kupokea maoni ya maandishi ,kufanya uchanbuzi wa kina na kuwasilisha mapendekezo kwenye bodi,kutoa maamuzi ya bodi na kutangaza maamuzi ya bodi kwenye gazeti la serikali na magazeti ya kawaida.

Mchany alisema kuwa sheria ya EWURA inasema kuwa kama kuna mtu hajaridhika na maamuzi hayo anahaki ya kukata rufaa kwenye baraza la ushindani wa haki katika biashara.

Alimalizia kwa kuwaambia wananchi kuwa maoni hayo ya marekebisho ya bei za umeme za kampuni ya Mwenga Power Services Limited kuna vikao ambavyo vitakaliwa ili kuhakikisha pande zote mbili zinaridhika kwa ajili ya kukuza uchumi wa nchi.

Naye  meneja wa fedha wa kampuni ya Mwenga Power Services Limited,Deograsias Massawe alisema kuwa Mwenga Power inazaidi ya kilomita 400 za laini za kusambaza umeme wenye nguvu ya gridi na umeme jadidifu katika vijiji37(vijiji 32 na 5 katika Wilaya za Mufindi na Njombe,mtawalia).

Massawe  alisema kuwa Mwenga Power inazaidi ya wateja 5,400 waliounganishiwa umeme katika Wilaya za Mufindi na Njombe na Hadi sasa Mwenga Power inatransifoma 80 za kupooza umeme huu unawafaidisha watu zaidi ya100,000 na kwa jinsi usambazaji unavyopanuka na kunatarajia kuwa faidisha watu wengi zaidi.

Alisema kuwa wanategemea kuhakikisha pande zote mbili zitanufaika kwa marekebisho hayo mapya ya bei za umeme wa kampuni ya mwenga. 

 

  

Read more »